முரட்டு லாபத்தில் எச்டிஎஃப்சி வங்கி.. பங்குதாரர்கள் ஹேப்பி!

தனியார் வங்கியான எச்டிஎஃப்சி வங்கியின் டிசம்பர் காலாண்டு வருமான விவரங்கள் வெளியாகியுள்ளது. இதன்படி, எச்டிஎஃப்சி வங்கியின் லாபம் 20.8% உயர்ந்துள்ளது.

டிசம்பர் காலாண்டில் எச்டிஎஃப்சி வங்கியின் நிகர லாபம் 10,591 கோடி ரூபாயாக உயர்ந்துள்ளது. முந்தைய ஆண்டுடன் ஒப்பிடுகையில் இது 20.8% உயர்வாகும். டிசம்பர் காலாண்டில் அட்வான்ஸ் 1,312,142 கோடி ரூபாயாக உயர்ந்துள்ளது. இது 15.8% உயர்வாகும்.

டிசம்பர் மாதத்துடன் முடிவடைந்த 9 மாதங்களில் எச்டிஎஃப்சி வங்கியின் நிகர லாபம் 27,610 ரூபாயாக இருந்துள்ளது. இது முந்தைய ஆண்டுடன் ஒப்பிடுகையில் 18% உயர்வாகும்.

Fixed Deposit வட்டி விகிதம் உயர்வு.. HDFC வங்கி அறிவிப்பு!
மேலும், டிசம்பர் காலாண்டில் எச்டிஎஃப்சி வங்கியின் நிகர வருவாய் 26,627 கோடி ரூபாயாக இருந்துள்ளது. முந்தைய ஆண்டின் நிகர வருவாயை (23,760 கோடி ரூபாய்) காட்டிலும் இது 12.1% உயர்வாகும்.

இதுமட்டுமல்லாமல், கடந்த ஒரு ஆண்டில் எச்டிஎஃப்சி வங்கி 294 புதிய கிளைகளை திறந்துள்ளது. மேலும் 16852 புதிய ஊழியர்களை பணியில் அமர்த்தியுள்ளது. ஜனவரி 14ஆம் தேதி பங்குச் சந்தை முடிவடைந்தபோது எச்டிஎஃப்சி வங்கியின் பங்கு விலை 1543.80 ரூபாயாக இருந்தது குறிப்பிடத்தக்கது.