இன்று வெளியாகும் HDFC இன் Q4 முடிவுகள்.. முதலீட்டாளர்கள் என்னென்னாம் எதிர்பார்க்கலாம்!

இந்தியாவின் மிகப்பெரிய வங்கியான ஹெச்டிஎஃப்சி (HDFC Bank) வங்கி 2023 ஆம் நிதியாண்டின் நான்காம் காலாண்டு முடிவுகளை இன்று வெளியிடவுள்ளது. அதில் நிறுவனத்தின் நிகர வருவாய், பங்குதாரர்களுக்கு ஏதேனும் டிவிடெண்டை வழங்குமா என்பதைக் குறித்து அறிவிப்புக்களை வெளியிடும்.

HDFC வங்கி மூன்று மாத காலத்திற்கான நிகர லாபம் ரூ.12,300 கோடியை பெறும் என்று ஆராய்ச்சிகள் தெரிவிக்கின்றன. இது ஒரு வருடத்திற்கு முந்தைய காலத்துடன் ஒப்பிடும்போது 22.3 சதவீதம் அதிகமாகும்.

மேலும் ஆராய்ச்சி தரவுகளின்படி, HDFC வங்கியின் நிகர வட்டி வருமானம் (NII) (சம்பாதித்த வட்டிக்கும் செலுத்தப்பட்ட வட்டிக்கும் உள்ள வித்தியாசம்) சுமார் ரூ. 24,000 கோடியாக நிர்ணயிக்கப்பட்டுள்ளது. இது ஆண்டுக்கு ஆண்டு அடிப்படையில் காணும்பொழுது 27.2 சதவீதம் உயர்வாகும்.

ஹெச்டிஎஃப்சி வங்கியின் நிகர வட்டி வரம்பானது (NIM) (நிதிக் கடன் வழங்குபவர்களுக்கான லாபத்தின் முக்கிய அளவீடு) காலாண்டு அடிப்படையில் சீராக அல்லது மோசமடைய வாய்ப்புள்ளது எனத் தரவுகள் கூறுகின்றன. டிசம்பர் 2022 உடன் முடிவடைந்த காலாண்டில் வங்கியின் NIM 4.3 சதவீதமாக இருந்தது.

ஆனால் வங்கி அதன் பங்குதாரர்களுக்கு டிவிடெண்ட், போனஸ் பங்குகள் குறித்து ஏதேனும் அறிவிப்பு வெளியாகும் எனபது குறித்து எவ்வித தரவுகளும் கிடைக்கவில்லை.