TVS Motor: டிவிஎஸ் பங்கு வாங்கலாம்.. HDFC, Sharekhan பரிந்துரை!

டிவிஎஸ் மோட்டார் பங்கை (TVS Motor share) வாங்கலாம் என எச்டிஎஃப்சி செக்யூரிட்டிஸ், ஷேர்கான் ஆகிய புரோக்கரேஜ் நிறுவனங்கள் பரிந்துரை வழங்கியுள்ளன.

டிவிஎஸ் மோட்டார் நிறுவனம் பிரதானமாக இரு சக்கர வாகனங்களை உற்பத்தி செய்வதை தொழிலாக செய்து வருகிறது. இந்நிலையில், டிவிஎஸ் மோட்டார் பங்கை வாங்கலாம் என எச்டிஎஃப்சி செக்யூரிட்டிஸ் (HDFC Securities), ஷேட்ர்கான் (Sharekhan) ஆகிய புரோக்கரேஜ் நிறுவனங்கள் ரேட்டிங் கொடுத்துள்ளன.

எச்டிஎஃப்சி செக்யூரிட்டிஸ் ரிப்போர்ட்

டிவிஎஸ் மோட்டார் பங்கு குறித்து எச்டிஎஃப்சி செக்யூரிட்டிஸ் வெளியிட்டுள்ள ஆய்வறிக்கையில், டிவிஎஸ் மோட்டார் நிறுவனத்தின் வரிக்கு பிந்தைய லாபம் (Profit after tax) எதிர்பார்ப்பையும் தாண்டி 3.64 பில்லியன் ரூபாயாக உயர்ந்துள்ளது என தெரிவித்துள்ளது.

போட்டி நிறுவனங்களை விடவும் டிவிஎஸ் மோட்டார் சிறப்பாக செயல்பட்டு வருவதாகவும், மோட்டார் சைக்கிள் துறையில் டிவிஎஸ் நிறுவனத்தின் பங்கு உயர்ந்துள்ளதாகவும், ஸ்கூட்டர்கள் பிரிவில் நல்ல வளர்ச்சி ஏற்பட்டுள்ளதாகவும் தெரிவித்துள்ளது.

கடந்த நிதியாண்டில் டிவிஎஸ் நிறுவனம் 97,000 iQube ஸ்கூட்டர்களை விற்பனை செய்துள்ளது. இதுமட்டுமல்லாமல் Ronin, Raider ஆகிய பைக்குகளும் நல்ல வரவேற்பை பெற்றுள்ளன, எலெக்ட்ரிக் வாகனங்களிலும் மற்ற நிறுவனங்களை விட டிவிஎஸ் முன்னிலையில் இருப்பதாக எச்டிஎஃப்சி செக்யூரிட்டிஸ் ரிப்போர்ட் கூறுகிறது.

எனவே, டிவிஎஸ் பங்கை வாங்கலாம் என எச்டிஎஃப்சி செக்யூரிட்டிஸ் 'BUY' ரேட்டிங் கொடுத்துள்ளது. மேலும் 1342 ரூபாய் டார்கெட் விலையும் வைத்துள்ளது.

ஷேர்கான் பரிந்துரை

டிவிஎஸ் மோட்டார் பங்குக்கு ஷேர்கான் நிறுவனம் 'BUY' ரேட்டிங் கொடுத்துள்ளது. மேலும் 1303 ரூபாய் டார்கெட் விலை வைத்துள்ளது. புதிய வாகனங்கள் அறிமுகம், புதிய சந்தைகளில் விற்பனை, புதிய தொழில்நுட்பங்களில் முதலீடு போன்றவை டிவிஎஸ் மோட்டார் நிறுவனத்தின் வளர்ச்சிக்கான காரணங்களாக அமையும் என ஷேர்கான் தனது ரிப்போர்ட்டில் தெரிவித்துள்ளது.