மருத்துவமனை அறைகளுக்கு ஜி.எஸ்.டி வரி கிடையாது: மத்திய அரசு...!

டெல்லி: மருத்துவமனைகளில் சிகிச்சைக்காக பயன்படுத்தப்படும் அறைகளுக்கு ஜி.எஸ்.டி வரி கிடையாது என்று மத்திய அரசு அறிவித்துள்ளது.

கடந்த ஜூலை மாதம் ஒன்றாம் தேதி, நாடு முழுவதும் ஜி.எஸ்.டி எனப்படும் ஒரே வரிவிதிப்பு முறையை மத்திய அரசு அறிமுகம் செய்தது. இதனால் பல்வேறு பொருட்களின் விலையில் மாற்றம் ஏற்பட்டது.

பொதுமக்கள் பயன்படுத்தும் அத்தியாவசியப் பொருட்களின் விலை ஏற்றத்தால், கடும் எதிர்ப்பு கிளம்பியது. இதனை அவ்வப்போது பரிசீலித்து மத்திய அரசு வரிவிதிப்பில் மாற்றம் செய்து வருகிறது.

இந்நிலையில் மருத்துவமனையில் உள்நோயாளிகள் பயன்படுத்தும் அறைகளுக்கு ஜி.எஸ்.டியில் இருந்து விலக்கு அளிக்கப்படுவதாக மத்திய கலால் மற்றும் சுங்கவரித்துறை விளக்கம் அளித்துள்ளது.

ஆனால் நோயாளிகளுக்கான உணவு, குளிர்பானம், பேக்கரி பொருட்கள் வழங்கும் சேவைகளுக்கு 5% வரிவிதிக்கப்படும். மேலும் ஓட்டல், விருந்தினர் விடுதி, பயணிகள் விடுதி ஆகியவற்றில் ரூ.1000க்கு குறைவான அறை வாடகைக்கு ஜி.எஸ்.டி. கிடையாது. ஆனால்,

அறை வாடகை மற்றும் ஜி.எஸ்.டி வரி:

ரூ.1,000 - ரூ.2,500 : 12%

ரூ.2,500 - ரூ.7,500 : 18%

ரூ.7,500-க்கு மேல் : 28%

28% ஜி.எஸ்.டி பெறும் சேவைகள்:

கேளிக்கை நிகழ்ச்சிகள், தீம் பார்க், தண்ணீர் பார்க், சூதாட்ட விடுதி, பந்தய மைதானம், பாலே நடனம், ஐ.பி.எல். உள்ளிட்ட விளையாட்டு நிகழ்ச்சிகள்.

Hospital rooms get exemption from GST.