வீட்டுக் கடன் EMI சலுகை.. இதனால் என்ன பலன் கிடைக்கும்?

வீடுகளின் விலை தொடர்ந்து அதிகரித்து வரும் காலகட்டத்தில் வீட்டுக் கடன், வீட்டுக் கடனுக்கான EMI போன்ற செலவுகளும் அதிகரித்து வருகின்றன. ஆனால், வீட்டுக் கடனுக்கு நாம் திருப்பிச் செலுத்தும் அசல், வட்டி தொகைக்கு கிடைக்கும் சலுகைகளோ மிக குறைவாக இருக்கிறது.

எனவே, வீட்டுக் கடன் அசல் மற்றும் வட்டித் தொகைக்கு கூடுதல் வருமான வரி சலுகைகள் வழங்க வேண்டும் என்ற கோரிக்கை பல மாதங்களாக முன்வைக்கப்பட்டு வருகிறது. குறிப்பாக, சம்பளத்துக்கு வேலை செய்யும் ஊழியர்கள் மத்தியில் வீட்டுக் கடன் EMIக்கு சலுகைகள் வேண்டும் என்ற கோரிக்கை உள்ளது.

கடந்த மத்திய பட்ஜெட்டில் வீட்டு கடன் EMI தொகைக்கு வருமான வரி சலுகைகள் அறிவிக்கப்பட வேண்டும் என்பது மிகப்பெரிய எதிர்பார்ப்பாக இருந்தது. குறிப்பாக மிடில் கிளாஸ் மக்கள் மத்தியில் வீட்டுக் கடன் EMIக்கு சலுகை பெரிதும் எதிர்பார்க்கப்பட்டது. ஆனால், சலுகைகள் கிடைக்கவில்லை என்பது வேறு விஷயம்.

களைகட்டிய வீடு விற்பனை.. டாப் நகரங்கள் இவைதான்!
வீட்டுக் கடன் EMI தொகையில் அசல், வட்டி இரண்டுமே கலந்து இருக்கும். வருமான வரிச் சட்டம் 80C கீழ் வீட்டுக் கடன் அசல் தொகையை திருப்பிச் செலுத்துவதற்கு 1.50 லட்சம் ரூபாய் வரை வருமான வரி சலுகை பெற்றுக்கொள்ளலாம்.

பட்ஜெட் தாக்கல் செய்யப்படுவதற்கு முன் இதே கோரிக்கையை ரியல் எஸ்டேட் துறையும் முன்வைத்தது. இதனால் ரியல் எஸ்டேட் துறைக்கு ஊக்கம் கிடைக்கும் எனவும், வீடு விற்பனை அதிகரிக்கும் எனவும் எதிர்பார்க்கப்பட்டது. எனினும், வருமான வரி சலுகைகளை மத்திய அரசு வழங்கவில்லை.