இலவச சிலிண்டர் வேணுமா? உடனே அப்ளை பண்ணுங்க!

பிரதான் மந்திரி உஜ்வாலா யோஜனா (PMUY) திட்டத்தின் கீழ் 10 மில்லியன் பேருக்கு இலவச சமையல் எரிவாயு இணைப்பு வழங்கப்படும் என்று மத்திய அரசு சமீபத்தில் அறிவித்தது. இந்த ஆண்டுக்கான மத்திய பட்ஜெட்டில் இதற்கான அறிவிப்பு வெளியாகிய நிலையில், மத்திய பெட்ரோலியம் மற்றும் இயற்கை எரிவாயு அமைச்சகம் இந்த இணைப்புகளை வழங்குகிறது. உஜ்வாலா திட்டத்தின் கீழ் இதற்கு முன்னர் எவ்வாறு சமையல் எரிவாயு இணைப்பு வழங்கப்பட்டதோ அதேபோலவே தற்போதும் வழங்கப்படும். அதற்கான தகுதிகள் என்ன, தேவையான ஆவணங்கள் என்ன, எப்படி பதிவு செய்வது என்று பார்க்கலாம்.

என்ன தகுதி இருக்க வேண்டும்?

>> இந்திய குடிமகனாக இருக்க வேண்டும்.

>> 18 வயதுக்கு மேற்பட்டவராக இருக்க வேண்டும்.

>> எல்பிஜி இணைப்பு இல்லாத வறுமைக் கோட்டுக்குக் கீழ் உள்ள குடும்பத்தைச் சேர்ந்த ஒரு பெண்ணாக இருக்க வேண்டும்.

>> இதே போன்ற வேறு திட்டங்களின் கீழ் எந்த நன்மையையும் பெற்றிருக்கக்கூடாது.

என்னென்ன ஆவணங்கள் தேவை?

>> நகராட்சித் தலைவர் அல்லது பஞ்சாயத்து தலைவர் வழங்கிய வறுமைக் கோட்டுக்குக் கீழ் உள்ள குடும்பம் என்ற சான்றிதழ்.

>> சாதிச் சான்றிதழ்

>> ஒரு பாஸ்போர்ட் சைஸ் போட்டோ

>> புகைப்பட அடையாள ஆதாரம்

>>முகவரி ஆதாரம்

>> ரேஷன் கார்டு

>>குடும்பத்தின் அனைத்து உறுப்பினர்களின் ஆதார் எண்கள்

>> பேங்க் பாஸ் புக் அல்லது ஜன் தன் வங்கிக் கணக்கின் விவரங்கள்

பதிவு செய்வது எப்படி?

>> இத்திட்டத்தில் இணைவதற்கான விண்ணப்பப் படிவத்தை அருகிலுள்ள எல்பிஜி விநியோகஸ்தரிடமிருந்து பெற வேண்டும். அல்லது https://www.pmujjwalayojana.com/ என்ற வெப்சைட்டில் பதிவிறக்கம் செய்யலாம்.

>> படிவத்தை நிரப்பவும்

>> நிரப்பிய படிவத்தை எல்பிஜி விநியோகஸ்தர் அலுவலகத்தில் சமர்ப்பிக்கவும்

>> விண்ணப்பம் சமர்ப்பிக்கப்பட்டதும் விண்ணப்பமும் வழங்கப்பட்ட ஆவணங்களும் சரிபார்க்கப்பட்டு எல்பிஜி இணைப்பு வழங்கப்படும்.