டிஜிட்டல் தங்கம்
கடந்த சில ஆண்டுகளாக டிஜிட்டல் தங்கம் மக்களிடையே நல்ல வரவேற்பை பெற்றுள்ளது. நேரடியாக தங்கம் வாங்குவதை விட டிஜிட்டல் தங்கத்தில் கூடுதலாக நிறைய பலன்கள் இருப்பதால் இளம் தலைமுறையினர் மத்தியில் நல்ல வரவேற்பு கிடைத்துள்ளது. இதுமட்டுமல்லாமல், குறைந்த விலையிலேயே டிஜிட்டல் தங்கம் வாங்கலாம்.
டிஜிட்டல் தங்கத்தின் சிறப்பு அம்சங்கள்
டிஜிட்டல் தங்கத்தை ஒரே நிமிடத்தில் உங்கள் மொபைலில் இருந்தே வாங்கிவிடலாம். தங்கத்தை வாங்கி வந்து வீட்டில் வைத்திருக்க வேண்டிய அவசியம் இல்லை. இன்சூரன்ஸ் போடப்பட்ட லாக்கரில் இலவசமாக உங்கள் பெயரில் தங்கம் சேமித்து வைக்கப்படும். வங்கி லாக்கர் செலவுகளையும் தவிர்க்கலாம்.
தங்கம் டெலிவரி
டிஜிட்டல் தங்கம் என்றால் நிஜத் தங்கமாக கிடைக்காது என பொருளில்லை. நீங்கள் எப்போது வேண்டுமானாலும் வீட்டுக்கே டெலிவரி பெற்றுக்கொள்ளலாம். உதாரணமாக உங்கள் கணக்கில் 5 கிராம் தங்கம் சேர்ந்திருக்கிறது என வைத்துக்கொள்வோம். அதை வீட்டுக்கே பாதுகாப்பாக டெலிவரி பெற்றுக்கொள்ளலாம்.
100 ரூபாய்க்கு தங்கம்
டிஜிட்டல் தங்கத்தின் சிறப்பு அம்சமே எந்த விலைக்கு வேண்டுமானாலும் தங்கம் வாங்க முடியும் என்பதுதான். 100 ரூபாய்க்கு கூட டிஜிட்டல் தங்கத்தை வாங்க முடியும். சொல்லப்போனால் ஒரு ரூபாய்க்கு கூட டிஜிட்டல் தங்கம் வாங்குவதற்கான வசதி இதில் இருக்கிறது. எனவே, அட்சய திருதியை நாளில் தங்கத்தை குறைந்த விலையில் வாங்குவதற்கு டிஜிட்டல் தங்கம் உதவும்.
டிஜிட்டல் தங்கம் வாங்குவது எப்படி?
Phonepe, Google Pay, Paytm போன்ற மொபைல் ஆப்கள் வாயிலாக டிஜிட்டல் தங்கத்தை எளிதாக வாங்கிவிடலாம்.