பென்சன் பேலன்ஸ் பார்ப்பது எப்படி? ரொம்ப ஈசி!

தேசிய பென்சன் திட்டம் (National Pension System - NPS) உங்கள் பணத்தை பெருக்கி எதிர்காலத்தில் பென்சன் பலன்களை வழங்க உதவுகிறது. இதுமட்டுமல்லாமல், தேசிய பென்சன் திட்டத்தில் முதலீடு செய்வோர் வருமான வரி சலுகைகளும் பெறலாம்.

எனவே, தேசிய பென்சன் திட்டத்துக்கு இளம் முதலீட்டாளர்கள் உள்பட பல தரப்பினரிடையே நல்ல வரவேற்பு கிடைத்துள்ளது. இது மத்திய அரசால் அறிமுகப்படுத்தப்பட்ட திட்டம் என்பது கூடுதல் சிறப்பு.

தேசிய பென்சன் திட்ட கணக்கில் ஆண்டுக்கு குறைந்தபட்சம் 6000 ரூபாயாவது முதலீடு செய்ய வேண்டும். நீங்கள் பணி ஓய்வுபெறும்போது தேசிய பென்சன் திட்ட கணக்கில் உள்ள சுமார் 60% பணத்தை எடுத்துக்கொள்ளலாம். மீதமுள்ள தொகை மூலம் பென்சன் வருமானம் கிடைக்கும்.

அரசு ஊழியர்களுக்கு எவ்வளவு சம்பளம் உயரும்? அகவிலைப்படி உயர்வு வந்தாச்சே!
நீங்கள் தேசிய பென்சன் திட்டத்தில் (NPS) முதலீடு செய்திருந்தால் உங்கள் பேலன்ஸ் தொகை எவ்வளவு என்பதை எப்படி தெரிந்துகொள்வது?

* https://www.cra-nsdl.com/CRA/ இணையதளத்துக்கு செல்லவும்

* User ID இடத்தில் PRAN நம்பரை பயன்படுத்தி, Password பதிவிட்டு உள்ளே நுழையவும்.

* அதில் உள்ள 'Transaction Statement' பகுதிக்கு செல்லவும்.

* Holding Statement பட்டனை கிளிக் செய்யவும்.

* உங்கள் தேசிய பென்சன் திட்ட கணக்கில் உள்ள தொகையை நீங்கள் பார்க்க முடியும்.

இதுமட்டுமல்லாமல், உமாங் ஆப் (UMANG App) உங்கள் மொபைலில் டவுன்லோட் செய்து அதன் மூலமாகவும் NPS பேலன்ஸ் தொகை பார்த்துக்கொள்ளலாம்.