உமாங் ஆப்: பிஎஃப் பேலன்ஸ் பார்ப்பது எப்படி?

பெரும்பாலானோருக்கு பிஎஃப் கணக்கில் எவ்வளவு பணம் இருக்கிறது என்று தெரிந்துகொள்வது எப்படி என்ற சந்தேகம் இருக்கும். நமது பிஎஃப் பேல்னஸ் தொகையைப் பார்ப்பதற்கு நான்கு எளிமையான வழிகள் உள்ளன. மிஸ்டு கால், எஸ்எம்எஸ், பிஎஃப் போர்ட்டல் மற்றும் உமாங் ஆப் ஆகிய நான்கு வழிகளில் நாம் பார்க்க முடியும். இதில் உமாங் செயலி மூலமாக எப்படிப் பார்ப்பது என்று தெரிந்துகொள்ளலாம்.

தொழிலாளர் வருங்கால வைப்பு நிதி சந்தாதார்கள் தங்களது பிஎஃப் விவரங்களைச் சரிபார்க்கவும், அதில் மாற்றங்கள் செய்யவும் தொழிலாளர் வருங்கால வைப்பு நிதி அலுவலகங்களுக்கு அலைய வேண்டியிருக்கும். அந்த சிரமத்தைக் குறைப்பதற்காக அரசு தரப்பிலிருந்து உமாங் (UMANG) என்ற மொபைல் செயலி அறிமுகம் செய்யப்பட்டது. இச்செயலில் அமர்ந்த இடத்தில் இருந்துகொண்டே பிஎஃப் பேலன்ஸ், பிஎஃப் பணம் எடுப்பது, தகவல் மாற்றங்கள் போன்ற சேவைகளை வாடிக்கையாளர்கள் பெறமுடியும்.

தற்போதைய நிலையில் பிஎஃப் சந்தாதாரர் ஒருவர் ஈபிஎஃப்ஓவில் 16 விதமான சேவைகளை உமாங் செயலி மூலமாக தங்களது மொபைல் போன்கள் மூலமாகவே பெறலாம். பேலன்ஸ் பார்ப்பதற்கு இச்செயலி மிகவும் பயனுள்ளதாக உள்ளது. கூகுள் பிளே ஸ்டோரில் உமாங் செயலியைப் பதிவிறக்கம் செய்து நமது மொபைல் எண் மற்றும் கணக்கு விவரங்களைக் கொண்டு நாம் பதிவு செய்திருக்க வேண்டும்.

>> உமாங் செயலியில் ’EPFO’ என்ற வசதியைத் தேர்ந்தெடுக்க வேண்டும்.

>> அதில் ’Employee Centric services’ என்பதைக் கிளிக் செய்யவும்.

>> பேலன்ஸ் பார்ப்பதற்கு ‘View Passbook’ என்பதில் கிளிக் செய்ய வேண்டும்.

>> நமது பிஎஃப் எண்ணைப் பதிவிட வேண்டும்.

>> உடனடியாக பிஎஃப் கணக்குடன் பதிவு செய்யப்பட்ட மொபைல் எண்ணுக்கு ஓடிபி வரும்.

>> ஓடிபி எண்ணைப் பதிவிட்டு சமர்ப்பித்தால் பிஎஃப் பேலன்ஸ் உள்ளிட்ட விவரங்களை உங்களால் பார்க்க முடியும்.