PF அக்கவுண்டில் எவ்ளோ பணம் இருக்கு? இப்படி செக் பண்ணலாம்!

கொரோனா வந்த பிறகு அனைவருக்குமே கடுமையான நிதி நெருக்கடி ஏற்பட்டுள்ளது. இதுபோன்ற சூழலில் பலர் தங்களது பிஎஃப் பணத்தை எடுத்துப் பயன்படுத்த நினைப்பார்கள். பிஎஃப் பணத்தை எடுப்பதற்கு முன்பாக, தங்களது பிஎஃப் கணக்கில் எவ்வளவு பணம் உள்ளது என்று தெரிந்துகொள்வதற்கு ஈசியான வழி உள்ளது.

பேலன்ஸ் பார்ப்பதற்கு எங்கும் அலையத் தேவையில்லை. செலவு செய்யவும் வேண்டியதில்லை. ஒரு SMS போதும். பிஎஃப் கணக்குடன் பதிவுசெய்யப்பட்டுள்ள மொபைல் நம்பர் மூலமாக ஈசியாக பேலன்ஸ் பார்க்கலாம். மொபைல் எண்ணிலிருந்து 7738299899 என்ற எண்ணுக்கு EPFOHO UAN LAN என SMS அனுப்ப வேண்டும். இதில் LAN என்பது நாம் தேர்ந்தெடுக்கும் மொழியின் முதல் மூன்று எழுத்துகள்.

உதாரணமாக, தமிழில் பேலன்ஸ் பார்க்க வேண்டுமென்றால், EPFOHO UAN TAM என்று அனுப்ப வேண்டும். இந்த வசதி தமிழ், ஆங்கிலம், இந்தி, பஞ்சாபி, குஜராத்தி, மராத்தி, கன்னடா, மலையாளம், தெலுங்கு, பெங்காலி உள்ளிட்ட 10 மொழிகளில் கிடைக்கிறது. SMS அனுப்பியவுடனேயே பதிவுசெய்யப்பட்ட மொபைல் எண்ணுக்கு பிஎஃப் பேலன்ஸ், கடைசி டெபாசிட் தொகை உள்ளிட்ட விவரங்கள் வந்து சேரும். இவ்வாறு பேலன்ஸ் பார்க்கலாம்.