எல்ஐசி பணம்: ஆன்லைன்லேயே செக் பண்ணுவது எப்படி?

ஆயுள் காப்பீடு என்பது தனி மனிதருக்கும் அவரது குடும்பத்தாருக்கும் மிக முக்கியமான பாதுகாப்பு அம்சமாகத் திகழ்கிறது. இந்தியாவில் எல்ஐசி பாலிசி எடுப்பவர்களின் எண்ணிக்கையும் அதிகமாக இருக்கிறது. இந்த எல்ஐசி பாலிசி மற்றும் செலுத்திய பிரீமியம் தொகை உள்ளிட்ட விவரங்களைத் தெரிந்துகொள்வது பலருக்கு கடினமான விஷயமாக இருக்கலாம். ஆனால், எல்ஐசி அதன் ஆன்லைன் வலைத்தளம் வழியாக ஆன்லைனில் பாலிசி நிலையைச் சரிபார்க்கப் பயனர்களை அனுமதிக்கிறது.

எல் ஐ சி பாலிசியை வாங்குவது போலவே அவ்வப்போது அந்த பாலிசியின் தற்போதைய நிலையை வாடிக்கையாளர்கள் சரிபார்த்துக்கொள்வது மிக முக்கியம். வாடிக்கையாளர்கள் தங்களது பிரீமியம் பேமெண்ட் தொகையை இழக்க நேரிடும் வாய்ப்புகளு உள்ளன. எனவே அதைத் தவிர்ப்பதற்கு பாலிசிதாரர்கள் ஆயுள் காப்பீட்டுக் கொள்கையை சரியான நேரத்தில் சரிபார்த்து வரவிருக்கும் பிரீமியம் பேமெண்ட் விவரங்கள் பற்றித் தெரிந்துகொள்ள வேண்டும். அது எப்படி என்று இங்கே பார்க்கலாம்.

>>புதிய பயனாளர்களாக இருந்தால், முதலில் licindia.in என்ற ஆன்லைன் முகவரியில் செல்ல வேண்டும். அதில் 'new user' என்பதைக் கிளிக் செய்ய வேண்டும்.

>> பயனர் ஐடி, கடவுச்சொல்லைத் தேர்ந்தெடுத்து கேட்கப்படும் அனைத்து தகவல்களையும் பூர்த்தி செய்ய வேண்டும்.

>> மின் சேவைகளைப் பெறுவதற்கு, 'e-services' என்பதைக் கிளிக் செய்து, உருவாக்கிய பயனர் ஐடியுடன் உள்நுழைந்து, வழங்கப்பட்ட படிவத்தை நிரப்புவதன் மூலம் மின் சேவைகளைப் பெறுவதற்கான பாலிசிகளைப் பதிவுசெய்ய வேண்டும்.

>> படிவத்தை பிரிண்ட் எடுத்து, கையொப்பமிட்டு, படிவத்தின் ஸ்கேன் செய்யப்பட்ட படத்தை மீண்டும் பதிவேற்றம் செய்ய வேண்டும்.

>> பான் கார்டு, ஆதார் கார்டு அல்லது பாஸ்போர்ட்டின் ஸ்கேன் செய்யப்பட்ட படத்தை பதிவேற்றம் செய்ய வேண்டும்.

>> அலுவலக சரிபார்ப்புக்குப் பிறகு, பாலிசிதாரருக்கு ஒப்புதல் மின்னஞ்சல் மற்றும் எஸ்எம்எஸ் அனுப்பப்படும்.