டிஜிட்டல் ஆதார் டவுன்லோடு செய்வது எப்படி?

ஆதார் விவகாரங்களைக் கையாளும் UIDAI அமைப்பின் அதிகாரப்பூர்வ இணையதளத்தில் சென்று மிகச் சுலபமாக உங்களது ஆதார் டிஜிட்டல் பிரதியைப் பதிவிறக்கம் செய்ய முடியும். ஆதார் மொபைல் ஆப் மூலமாகவும் நீங்கள் அதை எடுக்கலாம்.

எப்படி டவுன்லோடு செய்வது?

uidai.gov.in என்ற முகவரியில் செல்ல வேண்டும்.

அதில் ’Get Aadhaar’ என்ற சேவையைத் தேர்ந்தெடுத்து அதில் ’download Aadhaar’ என்பதை கிளிக் செய்ய வேண்டும்.

அதன் பின்னர் நீங்கள் UID, EID அல்லது VID ஆகிய மூன்றில் ஏதேனும் ஒன்றைத் தேர்ந்தெடுக்க வேண்டும்.

’Send OTP’ என்பதை கிளிக் செய்தால் உங்களது பதிவுசெய்யப்பட்ட மொபைல் எண்ணுக்கு ஓடிபி நம்பர் வரும்.

அதைப் பதிவிட்டு ’verify and download’ என்பதை கிளிக் செய்து சமர்ப்பிக்க வேண்டும்.

உடனடியாக உங்களது டிஜிட்டல் ஆதார் கார்டு PDF வடிவத்தில் உங்களது கம்ப்யூட்டரில் டவுன்லோடு ஆகிவிடும்.

ஆதார் - ரேஷன் கார்டு இணைப்பது எப்படி?

இந்த PDF காப்பியை ஓப்பன் செய்வதற்கு நான்கு இலக்கு பாஸ்வேர்டு கேட்கும். அதில் உங்களது பெயரின் முதல் நான்கு எழுத்துகளை கேப்பிட்டல் லெட்டரிலும், அதைத் தொடர்ந்து உங்களது பிறந்த தேதிக்கான வருடத்தையும் பதிவிட வேண்டும்.

mAadhaar மொபைல் ஆப் மூலமாகவும் இதே முறையைப் பயன்படுத்தி நீங்கள் உங்களது டிஜிட்டல் ஆதார் கார்டை டவுன்லோடு செய்யலாம்.

ஆதார் டிஜிட்டல் காப்பியை டவுன்லோடு செய்வது எப்படி என்று இந்த வீடியோவைப் பார்த்தும் நீங்கள் தெரிந்துகொள்ளலாம்.