இரண்டே நிமிடத்தில் பான் கார்டு ரெடி.. இதைச் செய்தால் போதும்!

பான் கார்டு என்பது இந்தியர்களின் மிக முக்கியமான தனிநபர் அடையாள ஆவணமாகும். இது வெறும் அடையாள ஆவணம் மட்டுமல்ல, வருமான வரி, பண மோசடிகளைக் கண்டறிதல் போன்ற பல்வேறு விஷயங்களுக்குப் பயன்படுகிறது. அதனால்தான் ஆதார் கார்டு, வங்கிக் கணக்கு உள்ளிட்ட பல்வேறு விஷயங்களில் பான் கார்டை இணைப்பதை அரசு கட்டாயமாக்கியுள்ளது.

இந்த பான் கார்டு என்பது 10 இலக்க ஆல்பா நியூமெரிக் எண்களைக் கொண்ட அட்டையாகும். இதை வருமான வரித் துறை வழங்குகிறது. இது ஏடிஎம் கார்டு வடிவிலான பிளாஸ்டிக் கார்டுதான். இந்த முக்கியமான ஆவணம் அனைவரிடமுமே பாதுகாப்பாக இருக்க வேண்டும். ஒருவேளை இந்த பான் கார்டு தொலைந்துவிட்டால் என்ன செய்வீர்கள்? கவலை வேண்டாம்!

இந்த பான் கார்டு நகலை ஆன்லைன் மூலமாக நீங்களே டவுன்லோடு செய்து கொள்ளலாம். அதற்கு https://www.onlineservices.nsdl.com/paam/requestAndDownloadEPAN என்ற வெப்சைட்டில் செல்ல வேண்டும். உள்ளே சென்றதும் பான் எண், ஆதார் எண், பிறந்த தேதி உள்ளிட்ட விவரங்களைப் பூர்த்தி செய்து ஆதார் சரிபார்ப்புக்கு ‘tick' கொடுத்து கேப்ட்சா குறியீட்டைப் பதிவிட்டு submit கொடுக்க வேண்டும்.

இப்போது உங்களுடைய பதிவுசெய்யப்பட்ட மொபைல் நம்பருக்கு ஓடிபி வரும். அதைப் பதிவிட்டு டவுன்லோடு கொடுத்தால் உங்களுடைய பான் கார்டு PDF வடிவில் டவுன்லோடு ஆகிவிடும்.

இந்த பான் கார்டு நகல் அதிகாரப்பூர்வ ஆவணமாக ஏற்றுக்கொள்ளப்படும்.