ஆதார் கார்டை இலவசமாக டவுன்லோடு செய்வது எப்படி?

ஆதார் என்பது இந்தியர்களின் மிக முக்கியமான அடையாள ஆவணம் ஆகும். ஒவ்வொருவருக்கும் தனியாக ஒரு ஆதார் கார்டு வழங்கப்படுகிறது. ஆதார் கார்டு இருந்தால்தான் அரசின் பல்வேறு நலத்திட்ட உதவிகளைப் பெற முடியும். எனவே ஆதார் கார்டை எப்போதும் அப்டேட்டாக வைத்திருப்பது முக்கியம். ஒரிஜினல் ஆதார் கார்டு கையில் இல்லாவிட்டாலும் ஆன்லைன் மூலமாக டவுன்லோடு செய்து வைத்துக் கொள்ள வேண்டும்.

ஆதார் தொடர்பான அப்டேட்களுக்கு நீங்கள் ஆதார் அமைப்பின் (UIDIAI) அதிகாரப்பூர்வ வலைத்தளமான uidai.gov.in அல்லது eaadhaar.uidai.gov.in என்ற வெப்சைட்டை பார்வையிடலாம்.

உங்களுடைய ஆதார் கார்டை ஆன்லைன் மூலமாக டவுன்லோடு செய்வது எப்படி என்று இங்கே பார்க்கலாம்.

>> முதலில் uidai.gov.in என்ற வெசைட்டை ஓப்பன் செய்யவும்.

>> முகப்புப் பக்கத்தில் உள்ள "My aadhaar" என்ற ஆப்சனின் கீழ் உள்ள "Download aadhaar" என்ற விருப்பத்தை கிளிக் செய்யவும்.

>> இப்போது ஒரு புதிய பக்கத்திற்கு திருப்பி விடப்படுவீர்கள். அங்கு உங்கள் ஆதார் எண் அல்லது பதிவு ஐடியை (EID) உள்ளிட வேண்டும்.

>> உங்கள் முழுப் பெயர், பின் குறியீடு மற்றும் பக்கத்தில் காட்டப்படும் கேப்ட்சா குறியீட்டை உள்ளிடவும்.

>> அடுத்து "Get One Time Password" (OTP) பட்டனை கிளிக் செய்யவும். உங்கள் பதிவு செய்யப்பட்ட மொபைல் எண்ணுக்கு ஓடிபி நம்பர் வரும்.

>> வழங்கப்பட்ட இடத்தில் OTP நம்பரை உள்ளிட்டு, "Download aadhaar" பட்டனை கிளிக் செய்யவும்.

>> உங்கள் ஆதார் அட்டை PDF வடிவத்தில் பதிவிறக்கம் செய்யப்படும்.

>> பதிவிறக்கம் செய்யப்பட்ட PDF ஃபைலை திறப்பதற்கு உங்கள் பெயரின் முதல் நான்கு எழுத்துக்கள் மற்றும் உங்கள் பிறந்த ஆண்டு (YYYY) ஆகியவற்றின் கலவையான கடவுச்சொல்லை உள்ளிட வேண்டும்.

புதிய வசதி!

UIDAI அமைப்பு ஆதார் அட்டை வைத்திருப்பவர்கள் தங்கள் ஆதார் ஆன்லைனில் ஆவணங்களை இலவசமாக புதுப்பிக்க அனுமதித்துள்ளது. அடுத்த மூன்று மாதங்களுக்கு (ஜூன் 14 வரை) அப்டேட் செயல்முறை இலவசம்தான். ஆதார் ஆவணங்களை புதுப்பிக்க UIDAI வெப்சைட்டிலேயே செல்லலாம்.