masked Aadhaar card என்றால் என்ன? அதை எப்படி வாங்குவது?

masked Aadhaar என்பது பதிவிறக்கம் செய்யப்பட்ட மின்-ஆதாரில் ஆதார் அட்டையை மறைக்கும் ஒரு வசதியாகும். இதில் ஆதார் எண்ணின் முதல் 8 இலக்கங்கள் "xxxx-xxxx" போன்ற சில எழுத்துக்களாக மாற்றப்படும். உங்களது ஆதார் எண்ணின் கடைசி 4 இலக்கங்கள் மட்டுமே தெரியும். masked ஆதாரை இந்திய தனித்துவ அடையாள ஆணையத்தின் (யுஐடிஏஐ) அதிகாரப்பூர்வ வலைத்தளத்திலிருந்து நீங்கள் பதிவிறக்கம் செய்யலாம். இந்த வசதியைப் பெறுவதற்கு ஆதாருடன் பதிவுசெய்யப்பட்ட மொபைல் எண் இருக்க வேண்டும்.

masked Aadhaar card பதிவிறக்கம் செய்வது எப்படி என்று பார்க்கலாம்...

>> UIDAI அமைப்பின் வலைத்தளத்தைப் பார்வையிட்டு, 'Download Aadhaar' என்பதை கிளிக் செய்யவும்.

>> Aadhaar/VID/Enrolment ID என்ற விருப்பத்தைத் தேர்ந்தெடுத்து 'Masked Aadhaar' என்பதை கிளிக் செய்யவும்.

>> தேவையான விவரங்களை உள்ளிட்டு 'Request OTP' என்பதைத் தேர்ந்தெடுத்தால் ஆதாருடன் இணைக்கப்பட்ட மொபைல் எண்ணுக்கு ஓடிபி வரும்.

>> ஓடிபி எண்ணைப் பதிவிட்டு 'Download Aadhaar' என்பதை கிளிக் செய்யவும். உடனே உங்களது Masked Aadhaar டவுண்லோடு ஆகிவிடும்.

>> பதிவிறக்கம் செய்யப்பட்ட இந்த Masked Aadhaar கடவுச்சொல் பாதுகாப்புடன் இருக்கும். இதற்கான கடவுச்சொல் என்னவென்றால் - பெயரின் முதல் நான்கு எழுத்துக்கள், பின்னர் பிறந்த வருடம்.

தேவையான இடங்களில் உங்களது அடையாளத்தை நிரூபிக்க Masked Aadhaar பயன்படுத்தப்படலாம். இருப்பினும், அரசாங்க நலத்திட்டங்களின் கீழ் வழங்கப்படும் எந்தவொரு சலுகைகளையும் பெற இதைப் பயன்படுத்த முடியாது. Masked Aadhaar அட்டையில் அசல் ஆதார் எண் மறைக்கப்பட்டுள்ளது. யாரும் அதைத் தவறாக பயன்படுத்தக் கூடாது என்பதற்காகவே இந்த Masked Aadhaar பயன்படுத்தப்படுகிறது.