புதிய அம்சத்துடன் ஆதார் கார்டு: வாங்குவது எப்படி?

தனிநபர் அடையாள அட்டையான ஆதார் கார்டுகள் அரசின் அனைத்து நலத்திட்ட உதவிகளுக்கும் கட்டாயமாக்கப்பட்டு வருகின்றன. வங்கிக் கணக்கு, மொபைல் எண், பான் கார்டு உள்ளிட்ட தனிநபர் சார்ந்த கணக்குகள், ஆவணங்களுக்கும் ஆதார் படிப்படியாகக் கட்டாயமாக்கப்பட்டு வருகின்றன. குறிப்பாக வரி ஏய்ப்பைத் தடுக்கவும், கடன் மோசடிகளைக் குறைக்கவும் பான் கார்டுகளுடன் ஆதாரை இணைக்க வேண்டும் போன்ற கட்டுப்பாடுகள் வந்துள்ளன. இவ்வாறாகத் தனிநபர் சார்ந்த அனைத்து சேவைகளுக்கும் ஆதார் எண் அவசியமாக உள்ளது. தற்போது பள்ளிகளிலும் ஆதார் கட்டாயமாக்கப்பட்டு வருகிறது. இறப்புச் சான்றிதழ் வாங்குவதற்குக் கூட ஆதார் கட்டாயம்.

ஆதார் கார்டுகளை வழங்கும் இந்திய தனித்துவ அடையாள ஆணையம் (UIDAI) தற்போது புதிய தோற்றத்திலான ஆதார் கார்டுகளை அறிமுகம் செய்துள்ளது. இந்தப் புதிய ஆதார் அட்டை பாலிவினைல் குளோரைடு (பிவிசி) அட்டையாக அச்சிடப்பட்டு வழங்கப்படுகிறது. இது முற்றிலும் புதிய தோற்றத்தைக் கொண்டிருக்கும். இப்போது நீங்கள் இந்த ஆதார் அட்டையை ஏடிஎம் கார்டைப் போல எளிதாக வைத்திருக்க முடியும். ஏடிஎம் கார்டு போல இதை நீங்கள் பர்ஸிலேயே வைத்துக்கொள்ளலாம். இந்தக் கார்டுகள் பயன்படுத்துவதற்கும் மிக எளிதாக இருக்கின்றன.

புதிய ஆதார் பிவிசி கார்டுகள் புதிய பாதுகாப்பு அம்சங்களுடன் வருகின்றன. UIDAI அமைப்பு இதைப் புதிய வடிவத்தில் அறிமுகப்படுத்தியுள்ளது. இந்த ஆதார் அட்டை பார்ப்பதற்கு ஏடிஎம் கார்டு போலவே இருக்கும். பிவிசி அட்டையிலேயே ஆதார் அட்டையை அச்சிடலாம். இது நீடித்த வாழ்நாள் கொண்டிருக்கும். தோற்றத்திலும் கவர்ச்சிகரமாக உள்ளது. சமீபத்திய பாதுகாப்பு அம்சங்களையும் இது கொண்டுள்ளது. அதன் பாதுகாப்பு அம்சங்களில் ஹாலோகிராம், கில்லோச் பேட்டர்ன், மைக்ரோடாக்ஸ் ஆகிய வசதிகள் அடங்கியுள்ளன. இந்த அட்டையை நீங்கள் வாங்குவதற்கு 50 ரூபாய் செலுத்த வேண்டும்.

புதிய ஆதார் கார்டு பெறுவதற்கு UIDAI அமைப்பின் அதிகாரப்பூர்வ இணையதளத்தில் ஆன்லைன் மூலமாக நீங்கள் விண்ணப்பிக்கலாம்.

வலைத்தளத்தின் முகப்பு பக்கத்தில் நீங்கள் ’my basis’ என்ற வசதியைக் கிளிக் செய்ய வேண்டும்.

இங்கே பிவிசி கார்டை ஆர்டர் செய்வதற்கான ஆப்சன் இருக்கும்.

அதன் பின்னர் உங்களது 12 இலக்க ஆதார் எண் அல்லது 16 இலக்க விர்ச்சுவல் ஐடியைப் பதிவிட வேண்டும்.

பாதுகாப்பு குறியீடு அல்லது கேப்ட்சா குறியீட்டை பின்னர் பதிவிடவும். கேப்ட்சா குறியீட்டை உள்ளிட்டு ’send OTP’ என்பதைக் கிளிக் செய்யவும்.

ஆதாருடன் பதிவு செய்யப்பட்ட உங்களது மொபைல் எண்ணுக்கு வரும் OTP எண்ணைப் பதிவிட்டு சமர்ப்பிக்கவும்.

உங்களது ஆதார் PVC அட்டையின் மாடல் திரையில் தோன்றும். இதற்குப் பிறகு கட்டணம் செலுத்தும் முறையைத் தேர்ந்தெடுக்க வேண்டும்.

கட்டணம் செலுத்தியவுடன் உங்களது புதிய ஆதார் பிவிசி அட்டை ஆர்டர் செய்யப்படும்.