2 நிமிடத்தில் பான் கார்டு ஈசியா வாங்கிடலாம்!

பணம் சார்ந்த விஷயங்கள், வருமான வரித் தாக்கல் போன்றவற்றுக்கு பான் கார்டு மிக மிக அவசியம். 10 இலக்க பான் எண் அடங்கிய கார்டை வருமான வரித் துறை வழங்குகிறது. வங்கிக் கணக்கு துவக்குதல், டீமாட் அக்கவுண்ட் திறப்பது, டெபிட் கார்டு, கிரெடிட் கார்டு வாங்குவது என பல தேவைகளுக்கு பான் கார்டு பயன்படுகிறது.

ஆதார் கார்டுடன் பான் கார்டையும் வைத்திருக்க வேண்டியது மிக அவசியமாக இருக்கிறது. பணப் பரிவர்த்தனைகள், பெரிய தொகையை அனுப்புவது போன்றவற்றுக்கு பான், ஆதார் மிக அவசியமாக இருக்கிறது. வெறும் இரண்டே நிமிடங்களில் நீங்கள் பான் கார்டை வாங்கிவிடலாம்.

ரிட்டயர்மெண்டுக்கு பிறகு செமயா சம்பாதிக்க சூப்பர் வழிகள்!

e-PAN எனப்படும் டிஜிட்டல் பான் கார்டை வருமான வரித் துறை ஆன்லைனிலேயே வழங்கி வருகிறது. இதை பெறுவதற்கு சில நிமிடங்களே போதும். வீட்டில் இருந்துகொண்டே ஆன்லைனில் ஈசியாக இந்த டிஜிட்டல் பான் கார்டை வாங்கிவிடலாம். இதற்கு பெயர், பிறந்த தேதி, போட்டோ உள்ளிட்ட அடிப்படை விவரங்கள் இருந்தாலே போதுமானது.

* முதலில் வருமான வரித் துறையின் efiling இணையதளத்துக்கு போக வேண்டும்.

* அதில் Instant PAN through Aadhaar ஆப்ஷனை தேர்வு செய்ய வேண்டும்.

* இப்போது Get New Pan ஆப்ஷனை தேர்வு செய்ய வேண்டும்.

* உங்களுடைய ஆதார் எண்ணை பதிவு செய்து சமர்ப்பிக்க வேண்டும்.

* உங்கள் மொபைலுக்கு வரும் OTP பாஸ்வோர்டை பதிவுட்டு வெரிபிகேஷனை முடிக்க வேண்டும்.

இதை முடித்தவுடன் உங்கள் PDF வடிவில் டிஜிட்டல் பான் கார்டை டவுன்லோடு செய்துகொள்ளலாம். இதன் நகல் உங்கள் இமெயில் ஐடிக்கும் அனுப்பப்படும்.