1 Lakh in Mutual Fund: ரூ.1 லட்சத்தை அப்படியே மியூச்சுவல் பண்ட்களில் எப்படி முதலீடு செய்வது!

வங்கி கணக்குகளில் சேமிப்பதை விட, மியூச்சுவல் பண்ட்களில் முதலீடு செய்தால் அதிக வட்டி விகிதம் கிடைக்கும். அதேசமயம் இதில் ரிஸ்க்கும் இருக்கிறது. எனவே பொருத்தமான திட்டங்களில் கவனமாக முதலீடு செய்வது அவசியம்.

அந்த வகையில், ரூ.1 லட்சத்தை அப்படியே மியூச்சுவல் பண்ட்களில் முதலீடு செய்வது எப்படி என்ற கேள்வி அடிக்கடி எழுப்பப்படுகிறது. இதற்கு துறை சார்ந்த வல்லுநர்கள் அளிக்கும் பதில் இதுதான்:

நீங்கள் முதல்முறை முதலீடு செய்ய வருகிறீர்களா? அதேசமயம் அதிக வருவாய் பெறும் வண்ணம் நீண்ட கால அடிப்படையில் முதலீடு செய்ய விருப்பம் இல்லை எனில், பின்வரும் முறையினைக் கையாளலாம்.

திட்டம் 1:

அதாவது, ஹைபிரிட் ஈக்விட்டி பண்ட்ஸ்(Hybrid equity funds) மற்றும் லார்ஜ்-கேப் ஈக்விட்டி பண்ட்ஸ்(Large equity funds) ஆகிய நல்ல தொடக்கமாக இருக்கும். லார்ஜ்-கேப் ஈக்விட்டி பண்ட்ஸ் ஆனது, முற்றிலும் லார்ஜ்-கேப் ஈக்விட்டி பங்குகளில் மட்டுமே முதலீடு செய்யப்படும்.

ஹைபிரிட் ஈக்விட்டி பண்ட்ஸ் ஆனது, பெயருக்கு ஏற்றாற் போல் ஈக்விட்டி மற்றும் கடன் பத்திரங்களில் முதலீடு செய்யப்படும். இதன்மூலம் முதலீட்டின் மீதான பெரிய அளவிலான ஏற்ற, இறக்கங்கள் குறைக்கப்படும்.

அதேசமயம் ஒவ்வொரு ஈக்விட்டி பிரிவிலும் இருக்கும் ரிஸ்க் மற்றும் இழப்பு ஆகியவற்றை முழுமையாக தெரிந்து கொள்ள வேண்டும். இந்த வகையிலான முதலீடுகள் 7 முதல் 8 ஆண்டுகள் வரையிலான நீண்ட காலமாக இருப்பது நல்லது.

திட்டம் 2:

மிகப்பெரும் தொகையை எஸ்.டி.பி(STP - Systematic Transfer Plan) முறையில் முதலீடு செய்யலாம். அதன்படி, முதலில் அல்ட்ரா ஷார்ட்-டெர்ம் பங்குகளில் பணம் முதலீடு செய்யப்படும். பின்னர் குறிப்பிட்ட ஈக்விட்டி திட்டங்களுக்கு முதலீடுகள் மாற்றம் செய்யப்படும்.

இதற்கான பணம் உங்களது வங்கிக் கணக்கில் இருந்து நேரடியாக எடுத்துக் கொள்ளப்படும். இதனையே எஸ்.ஐ.பி என்று அழைக்கிறோம். மேற்கூறிய இரு வகையான திட்டங்களிலும் குறிப்பிட்ட நாளில், குறிப்பிட்ட தொகை மியூச்சுவல் பண்டிற்கு எடுத்துக் கொள்ளப்படும்.