குழந்தையின் கல்விக்கு சிறந்த முதலீடு.. ஆயிரங்களை லட்சங்களாக மாற்றும் ரகசியம்!

ஒவ்வொரு ஆண்டும் குழந்தைகளுக்கான உயர்கல்வி செலவுகள் தொடர்ந்து அதிகரித்து வருகிறது. கல்விக் கடன்களுக்கான வட்டி விகிதமும் அதிகமாக இருப்பதால் குழந்தைகளுக்கு இப்போதில் இருந்தே உயர்கல்விக்கு திட்டமிட்டு முதலீடு செய்வது அவசியமாகிறது.

கல்வி செலவுகள் உயர்ந்து வருவது மட்டுமல்லாமல் பணவீக்கமும் வேகமாக உயர்ந்து வருகிறது. எனவே, பணவீக்கத்தை சமாளித்து அதிக லாபம் தரும் திட்டங்களில் முதலீடு செய்வது மிக முக்கியம். உதாரணமாக, தற்போது ஆண்டுக்கு சராசரி பணவீக்கம் 6% ஆக உள்ளது. அப்போது, குறைந்தபட்சம் 10% லாபமாவது தரும் திட்டங்களில் முதலீடு செய்ய வேண்டும்.

உதாரணமாக, இப்போது உங்களிடம் 10 லட்சம் ரூபாய் இருப்பதாக வைத்துக்கொள்வோம். அந்த பணம் 15 ஆண்டுகளில் பணவீக்கத்தை சமாளித்து 10% லாபம் கொடுத்தால் 42 லட்சம் ரூபாயாக மாறியிருக்கும். ஆக, 15 ஆண்டுகளில் 42 லட்சம் ரூபாய் சேமிக்க வேண்டும் என்பதை இலக்காக வைத்துக்கொள்வோம்.

ஏடிஎம் கார்டுகளுக்கு தடையா? இனி பணம் எடுக்க முடியாதா?
இப்போது 42 லட்சம் ரூபாய் இலக்கிற்கு மியூச்சுவல் ஃபண்டில் முதலீடு செய்வது எப்படி? குறைந்தது 10% லாபம் தரும் மியூச்சுவல் ஃபண்டில் 15 ஆண்டுகளுக்கு தொடர்ந்து மாதம் 10,000 ரூபாய் முதலீடு செய்ய வேண்டும். இதன் மூலம் 15 ஆண்டுகளில் 42 லட்சம் ரூபாய் இலக்கை எட்ட முடியும்.

எனினும் இன்று 10 விழுக்காடுக்கு மேல் நல்ல லாபம் தரக்கூடிய ஏராளமான மியூச்சுவல் ஃபண்ட் திட்டங்கள் உள்ளன. உதாரணமாக 15% லாபம் தரும் திட்டத்தில் மாதம் 6200 ரூபாய் முதலீடு செய்தாலே 15 ஆண்டுகளில் 42 லட்சம் இலக்கை தொட முடியும். இதனால் உங்களுக்கான லாபம் மேன்மேலும் பெருகும். குழந்தையின் உயர்கல்வி கனவையும் தொட்டுவிடலாம்.