இடிஎஃப் (ETF-Exchange Traded Funds) முதலீடு என்றால் என்ன? எப்படி முதலீடு செய்வது? இடிஎஃப் என்பது பங்குச் சந்தையில் சாதாரண பங்குகளை போலவே விற்பனை செய்யப்படும் கூட்டு குறியீடுகள் (indices). இடிஎஃப் முதன்முதலாக அமெரிக்காவில் 1933ஆம் ஆண்டில் அறிமுகப்படுத்தப்பட்டது.

சாதாரண மியூச்சுவல் ஃபண்ட் முதலீட்டை போல அல்லாமல், வழக்கமான பங்கு சந்தை வர்த்தக தினங்களில் இடிஎஃப்களை வாங்கவும் விற்கவும் முடியும். ஒரு பங்கை எப்படி வாங்கி விற்கிறோமோ, அதைப்போலவே இடிஎஃப்பை வாங்கி விற்க முடியும். ரிஸ்க் குறைவான பாதுகாப்பான முதலீடுகளின் பட்டியலில் இடிஎஃப் முதலீடும் ஒன்று.

ரூ.5,000 முதலீடு போதும்... கோடிகளில் லாபம் உறுதி!

முதல்முறை முதலீடு செய்ய விரும்புவோர், ரிஸ்க் எடுக்க விரும்பாதவர்கள் இடிஎஃப் முதலீட்டை அதிகம் தேர்வு செய்கின்றனர். பங்குச் சந்தை அதிக ரிஸ்க் கொண்ட முதலீடாக கருதப்படுகிறது. ஆனால், பங்குச் சந்தையின் ஏற்ற இறக்கங்களுக்கு ஏற்ப இடிஎஃப் வருமானம் தரும்.

இண்டக்ஸ் ஃபண்ட்களை காட்டிலும் இடிஎஃப்களில் குறைவாக செலவாகிறது. நீண்டகால அடிப்படையில் முதலீடு செய்ய விரும்புவோருக்கு இடிஎஃப் நல்ல வருமானம் தரும் என்பது நிபுணர்களின் கருத்து. தேசிய பங்குச் சந்தையின் தகவல்படி, உலகளவில் மியூச்சுவல் ஃபண்ட்களை காட்டிலும் இடிஎஃப் சிறப்பான வருமானம் கொடுத்துள்ளதாக தெரிகிறது.

தேசிய பங்குச் சந்தையில் பல்வகை இடிஎஃப்கள் வர்த்தகம் செய்யப்படுகின்றன. தங்கம், கடன், ஈக்விட்டி, சர்வதேச குறியீடுகள் ஆகியவை தேசிய பங்குச் சந்தையில் இருக்கின்றன. தங்கத்தில் முதலீடு செய்ய விரும்புவோர் நேரடியாக தங்கத்தை வாங்காமல் மாற்று வழிகளில் முதலீடு செய்ய வேண்டுமெனில் தங்க இடிஎஃப் நல்ல சாய்ஸ்.