ஐஆர்சிடிசி - ஆதார் இணைப்பது எப்படி? ஈசி ஸ்டெப் இதோ!

ஐஆர்சிடிசி தளத்தின் மூலமாக பயணிகள் ஆன்லைனில் தங்களது ரயில் டிக்கெட்டுகளை முன்பதிவு செய்ய முடியும். வலைதளம் மட்டுமல்லாமல் இதற்காக மொபைல் செயலியும் பிரத்தியேகமாக உள்ளது. டிக்கெட் முன்பதிவு செய்யப்பட்டவுடன் பயணிகளின் பதிவுசெய்யப்பட்ட மொபைல் எண்ணுக்கு பிஎன்ஆர் நம்பர் அடங்கிய எஸ்எம்எஸ் அனுப்பப்படும். பயணி ஒருவர் ஒரு மாதத்தில் அதிகபட்சமாக ஆறு டிக்கெட்டுகளை ஐஆர்சிடிசி தளத்தின் மூலமாக முன்பதிவு செய்ய முடியும். ஆனால், உங்களது ஆதார் எண் ஐஆர்சிடிசி தளத்தில் இணைக்கப்பட்டு, வெரிஃபை செய்யப்பட்டிருந்தால் நீங்கள் ஒரு மாதத்துக்கு 12 டிக்கெட்டுகளை வரை முன்பதிவு செய்ய முடியும்.

எனவே, ஆதார் எண்ணை ஐஆர்சிடிசி கணக்குடன் எவ்வாறு இணைப்பது என்று இங்கே பார்க்கலாம்.

>> ஐஆர்சிடிசியின் அதிகாரப்பூர்வ இணையதளத்துக்குச் செல்ல வேண்டும். irctc.co.in

>> உங்களது யூசர் ஐடி மற்றும் பாஸ்வேர்டைப் பதிவு செய்ய வேண்டும்.

>> திரையில் ‘My Profile Tab’ என்ற வசதியின் கீழ் ’Aadhaar KYC’ என்பதை கிளிக் செய்யவும்.

>> உங்களது ஆதார் நம்பரை அதில் இணைத்து ‘Send OTP’ என்பதை கிளிக் செய்யவும்.

>> உங்களது மொபைல் எண்ணுக்கு வரும் ஓடிபி எண்ணைப் பதிவிட்டு ’Verify’ என்பதை கிளிக் செய்யவும்.

>> பின்னர் ‘Submit’ என்பதை கிளிக் செய்தால் உங்களது ஆதார் எண் வெரிஃபை செய்யப்பட்டுவிடும்.

பயணியின் பெயரை ஆதார் எண் கொண்டு இணைப்பது எப்படி என்று பார்க்கலாம்.

>> ஐஆர்சிடிசி வலைதளத்தில் சென்று யூசர் ஐடி பாஸ்வேர்டு பதிவிட்டு உள்நுழையவும்.

>> அங்கே ‘profile section’இல் சென்று ’Master List’ என்பதைக் கிளிக் செய்யவும்.

>> புதிய பயணியின் ஆதார் எண், பாலினம், பிறந்த தேதி உள்ளிட்ட விவரங்களைப் பதிவிட்டு ’submit’ கொடுக்கவும்.