பிஎஃப் கணக்கின் இரண்டு UAN நம்பரை இணைப்பது எப்படி?

UAN (Universal Account Number) என்பது பிஎஃப் கணக்குக்கான தனிநபரின் 12 இலக்க எண்ணாகும். இந்த எண் பிஎஃப் அமைப்பால் அதன் உறுப்பினர்களுக்குத் தனித்தனியாக வழங்கப்படுகிறது. எத்தனை நிறுவனத்தில் பணியாற்றினாலும் ஒரே UAN நம்பர்தான் நீடித்திருக்கும். ஆனால், சிலர் ஒரு நிறுவனத்தை விட்டு இன்னொரு நிறுவனத்தில் இணையும்போது புதிதாக பிஎஃப் கணக்கு தொடங்குகின்றனர். அப்போது அவர்களுக்கு புதிய UAN நம்பர் வழங்கப்படுகிறது. முதலில் பணியாற்றிய நிறுவனத்திலிருந்து வெளியேறிய தேதியை (exit date) பதிவிடாமல் விட்டுவிட்டால் இவ்வாறு இரண்டு UAN நம்பர் வர வாய்ப்பு உள்ளது.

அப்படி இரண்டு நம்பர்கள் இருந்தால் பிரச்சினைதான். அவை இரண்டையும் ஒன்றாக இணைக்க வேண்டும். அதற்கு பிஎஃப் அலுவலகத்துக்குச் செல்ல வேண்டும் என்ற அவசியம் இல்லை. அமர்ந்த இடத்தில் இருந்துகொண்டே ஆன்லைன் மூலமாக நீங்கள் அவற்றை ஒன்றிணைக்கலாம்.

பழைய 500 ரூபாய் நோட்டுக்கு ரூ.10,000 கிடைக்கும்!
பிஎஃப் அமைப்பின் அதிகாரப்பூர்வ இணையப் பக்கத்தில் சென்று அதில் "Request for Transfer of account" என்ற வசதியை கிளிக் செய்ய வேண்டும். அதன் பின்னர் கேப்ட்சா குறியீட்டைப் பதிவிட்டு "GET PIN" என்பதை தேர்ந்தெடுக்கவும். உங்களது மொபைல் நம்பருக்கு வரும் ஓடிபி எண்ணைப் பதிவிட்டு சமர்ப்பித்தால் UAN எண்கள் இணைக்கப்பட்டுவிடும்.

முதலில் இருந்த நம்பர் நீக்கப்பட்டு அதிலுள்ள தொகை புதிய நம்பருக்கு மாற்றப்படும்.