PF பேங்க் அக்கவுண்ட் அப்டேட் பண்றது ஈசி!

2014ஆம் நிதியாண்டு முதலே பிஎஃப் திட்டத்தில் நிலையாக 8.50 சதவீத வட்டி லாபம் வாடிக்கையாளர்களுக்கு வந்துகொண்டிருக்கிறது. இதனால் பிஎஃப் திட்டத்தில் அதிகப் பேர் இணைந்து பயன்பெற்று வருகின்றனர். பிஎஃப் அமைப்பு சார்பாகவும் வாடிக்கையாளர்களுக்கு பல்வேறு சேவைகளும் வசதிகளும் ஏற்படுத்தப்பட்டுள்ளன. ஆன்லைன் மூலமாகவே பிஎஃப் விவரங்களை அப்டேட் செய்ய முடியும். பேலன்ஸ் பார்ப்பது, பிஎஃப் பணத்துக்கான விண்ணப்ப நிலை போன்றவற்றை வாடிக்கையாளர்கள் மிகச் சுலபமாக தெரிந்துகொள்ள முடியும்.

பிஎஃப் கணக்குக்கான வங்கிக் கணக்கை அப்டேட் செய்வதும் சுலபமான ஒன்றுதான். அது எப்படி என்று இங்கே பார்க்கலாம்.

UAN நம்பர் மற்றும் பாஸ்வேர்டு மூலமாக பிஎஃப் போர்ட்டலில் லாகின் செய்து உள்நுழையவும்.

மெனு செக்சனில் ’Manage’ என்ற வசதியை கிளிக் செய்யவும். அதில் 'KYC' என்பதைத் தேர்ந்தெடுக்கவும்.

இப்போது புதிய பக்கம் ஒன்று திறக்கும். அதில் ’Bank' என்ற வசதியைத் தேர்ந்தெடுக்க வேண்டும்.

வங்கிக் கணக்கு எண், வாடிக்கையாளர் பெயர், IFSC code போன்ற விவரங்கள் அதில் இருக்கும். தேவையான விவரங்களை நீங்கள் பூர்த்தி செய்ய வேண்டும்.

’save' பட்டனை கிளிக் செய்தால் உங்களது கோரிக்கை நிலை ஏற்றுக்கொள்ளப்படும். உங்களது வங்கிக் கணக்கு ஆவணத்தையும் நீங்கள் அப்லோடு செய்ய வேண்டும்.

உங்களது கோரிக்கை நிறுவனத்தால் ஏற்றுக்கொள்ளப்பட்டவுடன், உங்களது வங்கிக் கணக்கு விவரங்கள் அப்டேட் ஆகிவிடும். இதுகுறித்த எஸ்.எம்.எஸ். உங்களது மொபைல் நம்பருக்கும் அனுப்பப்படும்.