ஆதாரில் மொபைல் நம்பர் அப்டேட் செய்வது எப்படி?

ஆதார் கார்டு இப்போது அனைத்துக்கும் அவசியமாகிவிட்டது. ஆதாரில் மொபைல் நம்பர் மிகவும் முக்கியமானது. ஆதார் விவரங்களை அப்டேட் செய்வதற்கு மொபைல் நம்பர் அவசியம். எந்தவொரு ஆவணமும் இல்லாமல் உங்கள் மொபைல் எண்ணை புதுப்பிக்க என்ன செய்ய வேண்டும் என்று இங்கே பார்க்கலாம்.

ஆதார் அமைப்பின் https://ask.uidai.gov.in என்ற முகவரிக்குச் செல்ல வேண்டும்.

இப்போது உங்கள் மொபைல் நம்பர் மற்றும் கேப்ட்சா குறியீட்டை அதில் நிரப்ப வேண்டும்.

பின்னர் ’send OTP’ பட்டனை கிளிக் செய்து OTP பெறவேண்டும்.

உங்கள் மொபைல் போனுக்கு வரும் OTP எண்ணை வலதுபுறத்தில் உள்ள பாக்ஸில் பதிவிட்டு சமர்ப்பிக்கவும்.

இப்போது ஓப்பன் ஆகும் புதிய பக்கத்தில், ’Aadhaar service’ என்ற வசதி இருக்கும். அதில் ’Update Aadhaar’ என்பதைத் தேர்ந்தேடுக்க வேண்டும்.

அடுத்ததாக புதிய பக்கம் ஒன்று திறக்கும். அதில் உங்களது பெயர், ஆதார் எண் மற்றும் முகவரிக்கான தகவல்களை காணலாம்.

நீங்கள் இங்கே மாற்ற விரும்பும் தகவல்களை கிளிக் செய்து மாற்றலாம்.

உங்களது மொபைல் எண்ணை நீங்கள் புதுப்பிக்க விரும்பினாலோ அல்லது உங்கள் தொலைபேசி எண்ணை ஆதாருடன் இணைக்க விரும்பினாலோ, நீங்கள் அதற்கான விவரங்களைப் பூர்த்தி செய்ய வேண்டும்.

பின்னர் உங்கள் மொபைல் எண்ணைத் தேர்ந்தெடுத்து சமர்ப்பிக்கவும்.

இப்போது அடுத்த பக்கத்தில் கேப்ட்சாவை நிரப்ப வேண்டும். புதுப்பிக்கப்பட்ட மொபைல் எண்ணைப் பதிவிட வேண்டும்.

உங்கள் மொபைல் எண்ணுக்கு OTP வரும். அதைப் பதிவிட்டு சரிபார்க்கவும்.

பின்னர் Save and Proceed என்பதைக் கிளிக் செய்ய வேண்டும்.

சமர்ப்பிக்கும் முன்னர் உங்களுக்கு ஒரு அறிவிப்பு வரும். அதில், நீங்கள் உள்ளிட்ட அனைத்து தகவல்களையும் இருமுறை சரிபார்க்கவும். இதற்குப் பிறகு சமர்ப்பிக்கவும்.

இப்போது உங்கள் சந்திப்பை (appointment) பதிவு செய்யுங்கள். Book Appointment என்பதைக் கிளிக் செய்வதன் மூலம் இதைச் செய்யலாம்.

இப்போது நீங்கள் அருகிலுள்ள ஆதார் மையத்திற்கு செல்ல வேண்டும்.

அங்கே உங்களிடம் ரூ.50 கட்டணம் வசூலிக்கப்படும். இதற்குப் பிறகு உங்களது மொபைல் எண் புதுப்பிக்கப்படும்.