மொபைல் நம்பர் மாத்திட்டீங்களா? ஆதார் கார்டில் உடனே அப்டேட் பண்ணுங்க!

இந்தியர்கள் அனைவருக்குமே ஆதார் என்பது மிக முக்கியமான ஆவணமாகும். இது வெறும் அடையாள ஆவணம் மட்டுமல்ல; அரசின் நலத்திட்ட உதவிகளைப் பெறுவதற்கு ஆதார் அவசியம். ஆதார் இல்லாவிட்டால் எதுவும் கிடைக்காது என்ற நிலை கிட்டத்தட்ட வந்துவிட்டது.

இந்த ஆதார் கார்டில் மொபைல் நம்பர் அப்டேட்டாக இருப்பது அவசியம். ஏனெனில் நிறையப் பேர் அடிக்கடி மொபைல் நம்பரை மாற்றிவிடுகின்றனர். ஆதார் கார்டில் உள்ள மொபைல் நம்பர் இருந்தால்தான் ஆதாரில் ஏதேனும் அப்டேட் இருந்தால் அதைச் செய்ய முடியும்.

ஆதார் கார்டில் மொபைல் நம்பரை ஆன்லைன் மூலமாகவே நீங்கள் அப்டேட் செய்யலாம். வீட்டில் இருந்தபடியே அந்த வேலையை முடிக்கலாம்.

ask.uidai.gov.in என்ற வெப்சைட்டில் சென்று உங்களது மொபைல் நம்பரைப் பதிவிட்டு, கேப்ட்சா குறியீட்டையும் உள்ளிட்டு ’send OTP' கொடுக்க வேண்டும்.

மொபைல் நம்பருக்கு வரும் ஓடிபி நம்பரைப் பதிவிட்டு ‘submit OTP & proceed' கொடுக்க வேண்டும்.

அடுத்ததாக, ‘Online Aadhaar Services’ என்ற டிராப் டவுன் மெனுவில் நீங்கள் அப்டேட் செய்ய விரும்பும் வசதியை கிளிக் செய்ய வேண்டும். மொபைல் நம்பர் அப்டேட் என்பதால் அதை கிளிக் செய்யவும்.

‘what do you want to update’ என்பதைத் தேர்வு செய்து தேவையான விவரங்களைப் பதிவிடவும்.

மொபைல் நம்பரை submit செய்தவுடன் புதிய பக்கம் ஒன்று ஓப்பன் ஆகும். அதில் கேப்ட்சா குறியீட்டைப் பதிவிட வேண்டியிருக்கும்.

இப்போது ஒரு OTP நம்பர் உங்களது மொபைல் நம்பருக்கு அனுப்பப்படும். அதைப் பதிவிட்டு 'save and proceed' கொடுக்க வேண்டும்.

இதன் பின்னர் அருகிலுள்ள ஆதார் சேவை மையத்துக்கு ஆன்லைன் மூலமாக ஒரு அப்பாயிண்ட்மெண்ட் புக் செய்ய வேண்டும். அங்கே சென்று 25 ரூபாய் செலுத்தி மொபைல் நம்பரை அப்டேட் செய்யலாம்.

மற்ற ஆதார் விவரங்களை நீங்களே செய்துகொள்ள முடியும். ஆனால் மொபைல் நம்பர் அப்டேட்டுக்கு ஆதார் சேவை மையத்துக்கு நேரடியாகச் செல்ல வேண்டியிருக்கும்.