மறுபுறம், கிரெடிட் கார்டை கவனமாக, முறையாக திட்டமிட்டு பயன்படுத்தினால் உங்கள் கிரெடிட் ஸ்கோர் முன்னேற்றம் அடையும். நீண்டகால அடிப்படையில் நல்ல கிரெடிட் ஸ்கோர் உங்களுக்கு பேருதவியாக இருக்கும்.
தேவைக்கு உகந்த கிரெடிட் கார்டு
பல்வேறு வங்கிகளும், கிரெடிட் கார்டு நிறுவனங்களும் மொபைலுக்கு கால் செய்து கிரெடிட் கார்டு வழங்குவதாக விளம்பரம் செய்வர். ஆனால், கிரெடிட் கார்டை தேர்வு செய்யும்போது மிக கவனமாக இருக்க வேண்டும். ஒன்றுக்கு மேற்பட்ட கிரெடிட் கார்டுகளை வாங்குவதற்கு பதிலாக ஒரே கிரெடிட் கார்டை வாங்கி தேவைக்கு உட்பட்டு பயன்படுத்தினால் ரிவார்ட் பாயிண்டுகள் கிடைக்கும்.
மாத கணக்கு
ஒவ்வொரு மாதமும் எதற்கெல்லாம் கிரெடி கார்டை பயன்படுத்தப்போகிறோம் என்பதை முன்கூட்டியே கணித்து திட்டமிட்டுவிட்டால், அதற்கு உட்பட்டு செலவுகளை செய்யலாம். இதன் மூலம் தேவையில்லாத தண்ட செலவுகளை தவிர்க்கலாம். பணத்தை சேமிக்கவும் உகந்தது.
சலுகைகள்
பண்டிகைக் காலம் வரும்போது கிரெடிட் கார்டு பயன்படுத்தி பொருள் வாங்குவோருக்கு பல்வேறு சலுகைகள் அறிவிக்கப்படும். உங்களது வங்கியிடம் இருந்து வரும் சலுகை தொடர்பான அறிவிப்புகளை தெரிந்துகொண்டு பொருட்களை வாங்கலாம். இதற்காக உங்களுக்கு கூடுதல் ரிவார்ட் பாயிண்டுகளும் கிடைக்கும்.
கடனை சரியாக செலுத்துக
கிரெடிட் கார்டு பில்களை முடிக்க வங்கிகள் 45 அல்லது 50 நாட்கள் கூடுதலாக வழங்கினாலும், பில்லிங் காலத்திலேயே நிலுவை தொகையை செலுத்திவிடுவது சிறந்தது. கடைசி தேதிக்குள் ஒட்டுமொத்த தொகையையும் செலுத்தாவிட்டால் வட்டி செலுத்த நேரிடும். சில கிரெடிட் கார்டுகளுக்கு ஆண்டுக்கு 43% கூட வட்டி விதிக்கின்றனர். இதுபோன்ற கூடுதல் சுமையை தவிர்க்க உரிய தேதிக்குள் பில்களை முடித்துவிட வேண்டும்.