வீடு விற்பனை அமோகம்.. இந்த ஊர்தான் டாப்!

இந்தியாவின் மிகப்பெரிய நகரங்களில் அதிக எண்ணிக்கையில் வீடுகள் விற்பனையாகும் நகரங்களின் பட்டியலில் ஹைதராபாத் முதலிடத்தை பிடித்துள்ளது. மேலும், மும்பை, டெல்லி பகுதிகளில் வீடு விற்பனை சரிந்துள்ளது.

ரியல் எஸ்டேட் நிறுவனமான அனராக் வெளியிட்டுள்ள தகவல்களின்படி, 2021ஆம் ஆண்டில் இந்தியாவின் மிகப்பெரிய 7 நகரங்களில் 2.37 லட்சம் வீடுகள் விற்பனையாகியுள்ளன. இதில் தெலங்கானா தலைநகர் ஹைதராபாத்தில் அதிகபட்ச வீடுகள் விற்பனையாகியுள்ளன.

வீடுகளுக்கான டிமாண்டும் கடுமையாக உயர்ந்துள்ளதாக விவரங்கள் கூறுகின்றன. 2021ஆம் ஆண்டில் ஹைதராபாத்தில் 25,410 வீடுகள் விற்பனையாகியுள்ளன. அதாவது, புதிதாக அறிமுகமான வீடுகளில் 55% வீடுகள் விற்பனையாகிவிட்டன.

வசமாக சிக்கிய இமயமலை சாமியார்.. சித்ரா ராமகிருஷ்ணா வழக்கில் ட்விஸ்ட்!
மும்பையில் மிகக் குறைவான வீடுகள் விற்பனையாகியுள்ளன. மும்பையில் அறிமுகமான வீடுகளில் 26% வீடுகள் மட்டுமே விற்பனையாகியுள்ளன. இதன்படி மும்பையில் 76400 வீடுகள் விற்பனையாகியுள்ளன. டெல்லியை பொறுத்தவரை 30% வீடுகள் (40,050 வீடுகள்) விற்பனையாகியுள்ளன.

சென்னை, பெங்களூரு, கொல்கத்தா, புனே ஆகிய நகரங்களில் 34% முதல் 39% வரையிலான வீடுகள் விற்பனையாகியுள்ளன. ஹைதராபாத்தில் வீடு விற்பனை அதிகரித்திருந்தாலும், பதிவுக் கட்டணம் உயர்ந்துள்ளதால் ரியல் எஸ்டேட் மார்க்கெட் பாதிக்கப்பட்டுள்ளதாக கூறுகின்றனர்.