இனி ஆன்லைன் மூலமாகவே கார் வாங்கலாம்! ஹூண்டாய் அறிமுகம்!

தென்கொரியாவின் ஹூண்டாய் நிறுவனத்தின் கிளை நிறுவனமான ஹூண்டாய் மோட்டார் இந்தியா லிமிடெட், சென்னையைத் தலைமையிடமாகக் கொண்டு கார்களைத் தயாரித்து விற்பனை செய்துவருகிறது. இந்நிறுவனம் நேரடி விற்பனையில் நீண்ட காலமாக ஆதிக்கம் செலுத்தி வரும் நிலையில், முதன்முறையாக ஆன்லைன் விற்பனை வசதியைக் கொண்டுவந்துள்ளது. Click to Buy என்ற பெயரில் தனது வாடிக்கையாளர்களுக்காக ஆன்லைன் விற்பனை வசதி கொண்டுவரப்பட்டுள்ளதாக ஹூண்டாய் நிறுவனம் தெரிவித்துள்ளது.

இதுகுறித்து ஹூண்டாய் மோட்டார் இந்தியா நிறுவனத்தின் தலைமைச் செயலதிகாரியான எஸ்.எஸ்.கிம் பேசுகையில், “டிஜிட்டல் மய வளர்ச்சியை மையமாகக் கொண்டு எங்களது புதுயுக வாடிக்கையாளர்களுக்குச் சேவை வழங்குவதற்காக இந்தியாவில் முதன்முறையாக ஆன்லைன் கார் விற்பனையைக் கொண்டுவந்துள்ளோம். கடந்த பத்து ஆண்டுகளில் சில்லறை விற்பனை சிறப்பான வளர்ச்சியைக் கொண்டுள்ளது. நிறைய புதிய மாடல்கள் அறிமுகம் செய்யப்பட்டு வரும் நிலையில், வாடிக்கையாளர்களைக் கவரும் நோக்கத்தில் இந்த நடவடிக்கையில் இறங்கியுள்ளோம்” என்றார்.

கோடிகளை விழுங்கும் சுங்கச் சாவடிகள்!

ஆன்லைன் கார் விற்பனை தற்போது முதற்கட்டமாக டெல்லியில் கொண்டுவரப்பட்டுள்ளது. அதன் பின்னர் நாட்டின் மற்ற நகரங்களுக்கும் கொண்டுவரப்படும். ஹூண்டாய் நிறுவனத்தின் அனைத்து கார்களும் ஆன்லைன் விற்பனையில் கிடைக்கும் என்று கூறப்பட்டுள்ளது. இந்தியாவில் மொபைல் இண்டர்நெட் பயன்பாட்டாளர்களின் எண்ணிக்கை நாளுக்கு நாள் அதிகரித்து வரும் நிலையில், அவர்களைக் கவரும் நோக்கத்தில் ஹூண்டாய் இந்த முயற்சியில் இறங்கியுள்ளது.

ஜியோனா சும்மாவா... அப்படி என்ன சாதனை செஞ்சது தெரியுமா?

தற்போது இந்தியாவில் 560 மில்லியன் மொபைல் இண்டர்நெட் பயன்பாட்டாளர்கள் இருக்கின்றனர். அதோடு, இண்டர்நெட் பயன்பாட்டாளர்களில் சுமார் 70 சதவீதத்தினர் தங்களுக்குத் தேவையான பொருட்களை ஆன்லைன் மூலமாக வாங்குவார்கள் என்று ஆய்வில் கூறப்பட்டுள்ளது. எனவே எதிர்காலத்தைக் கருத்தில் கொண்டு ஹூண்டாய் நிறுவனம் ஆன்லைன் விற்பனையைத் தொடங்கியுள்ளது.