IBM Red Hat: ரெட் ஹேட் நிறுவனத்தை விலைக்கு வாங்குகிறது ஐபிஎம்!!

ஐபிஎம் இதுவரை இல்லாத அளவிற்கு மிகப்பெரிய வர்த்தகத்தை முடித்துக் கொண்டுள்ளது. அமெரிக்க வரலாற்றில் இதுதான் மூன்றாவது மிகப்பெரிய டீல் என்று கூறப்படுகிறது.

இதுகுறித்து இரண்டு நிறுவனங்களும் விடுத்துள்ள அறிக்கையில் தெரிவித்து இருப்பதாவது:

ரெட் ஹேட் நிறுவனத்தின் அனைத்து பங்குகளையும் ஐபிஎம் வாங்குகிறது. ஒரு பங்கின் மதிப்பு ரூ. 190 டாலர். ரொக்கப் பணம் கொடுத்தே ஐபிஎம் வாங்கும். இந்த ஒப்பந்தம் ஏற்படுவதற்கு முன்பு கடந்த 27ஆம் தேதி ரெட் ஹேட் நிறுவனத்தின் ஒரு பங்கின் மதிப்பு ரூ. 116.68 டாலராக இருந்தது. தற்போது இதன் மதிப்பு ரூ. 190 டாலர் ஆக அதிகரித்துள்ளது.

இந்த இணைப்பை அடுத்து ரெட் ஹேட் தலைமை நிர்வாக அதிகாரி ஜிம் ஒய்ட்ஹர்ஸ்ட் இனி ஐபிஎம்மின் மூத்த மேலாண்மை அதிகாரிகள் குழுவில் இணைந்து செயல்படுவார். ஜின்னி ரோமெட்டி என்பவருக்கு இவர் ரிப்போர்ட் செய்வார் என்று தெரிவிக்கப்பட்டுள்ளது.

இதுவரை இல்லாத அளவிற்கு பெரிய அளவில் வர்த்தகத்தை ஐபிஎம் முடித்துக் கொண்டுள்ளது. அமெரிக்க வரலாற்றில் இதுதான் மூன்றாவது மிகப்பெரிய டீல் என்று கூறப்படுகிறது. கடந்த 2016 ஆம் ஆண்டில் DEL - EMC இரண்டும் 67பில்லியன் டாலர் வர்த்தக மதிப்பில் இணைத்துக் கொண்டன. 2000வது ஆண்டில் JDS மற்றும் SDL இரண்டும் 41 பில்லியன் டாலர் மதிப்பில் இணைந்தன. SDL நிறுவனத்தை JDS நிறுவனம் வாங்கியது.

கடந்த 25 ஆண்டுகளுக்கு முன்பு ரெட் ஹேட் துவங்கப்பட்டது. குறிப்பாக சர்வர்கள் மற்றும் டாடா மையங்களில் பயன்படுத்தும் Linux என்ற மென்பொருளை விற்று வந்தது. தற்போது பல்வேறு மென்பொருட்களை ரெட் ஹேட் விற்று வருகிறது. இந்த நிறுவனத்தின் வருமான வளர்ச்சி கடந்த 2017- 2018ஆம் ஆண்டுகளுக்கு உட்பட்ட நிதி ஆண்டுகளில் 21% ஆக இருந்துள்ளது. இதற்கு மாறாக ஐபிஎம் நிறுவனத்தின் வருமானம் கடந்த ஐந்து ஆண்டுகளுக்கும் மேலாக குறைந்து வருவதாக புள்ளி விவரங்கள் தெரிவிக்கின்றன.