ICICI: ஏடிஎம் இல்லாமல் பணம் எடுப்பது எப்படி?

சில நேரங்களில் பணம் எடுப்பதற்காக ஏடிஎம் மையத்துக்குச் சென்றுவிட்டு, பர்ஸை ஓபன் பண்ணி பார்த்தால் ஏடிஎம் கார்டு இருக்காது. மறந்து வீட்டிலேயே வைத்துவிட்டு வந்திருப்போம். சில நேரங்களில் ஏடிஎம் கார்டு கையில் இல்லாத சமயத்தில் பணத் தேவை இருக்கும்; அப்போது அந்த இடத்தில் உள்ள ஏடிம் மையத்தில் பணம் எடுக்க ஏதேனும் வழி இருக்கிறதா என்று யோசிப்பவர்களும் உண்டு. இவ்வாறு ஏடிஎம் கார்டு இல்லாத நேரத்தில் பணம் எடுப்பதற்கு மொபைல் போன்களிலேயே வசதிகள் உள்ளன. கார்டு இல்லாமலேயே பணம் எடுப்பது எப்படி என்று பார்க்கலாம் வாருங்கள்...

ஐ.சி.ஐ.சி.ஐ வங்கி வாடிக்கையாளர்கள் iMobile செயலி மூலமாக ஏடிஎம் மையங்களில் பணம் எடுக்க முடியும். iMobile செயலியை ஓப்பன் செய்து அதில் card less cash withdrawal என்பதைத் தேர்ந்தெடுக்க வேண்டும்.

> அதில் நீங்கள் எவ்வளவு பணம் எடுக்க விரும்புகிறீர்களோ அதைக் குறிப்பிட வேண்டும்.

> பின்னர் வங்கியின் PIN நம்பரை அதில் பதிவிட வேண்டும்.

> உங்கள் பதிவு செய்யப்பட்ட மொபைல் எண்ணுக்கு ஒரு OTP எண் வரும். இது ஒரு குறிப்பிட்ட காலத்திற்கு மட்டுமே இருக்கும்.

> இவையெல்லாம் முடிந்தவுடன் ஏடிஎம் எந்திரத்தில் card-less cash withdrawal என்பதைத் தேர்ந்தெடுக்க வேண்டும்.

> அதன் பின்னர் உங்களது மொபைல் எண்ணுக்கு வந்த OTP எண்ணை அதில் பதிவிட வேண்டும்.

> மொபைல் செயலியில் எவ்வளவு பணம் எடுக்க வேண்டும் என்று குறிப்பிட்டீர்களோ அந்தத் தொகையை ஏடிஎம் எந்திரத்தில் பதிவிட்டால் அந்தப் பணத்தை நீங்கள் எடுக்கலாம்.

ஐசிஐசிஐ வங்கி மட்டுமல்லாமல் மற்ற வங்கிகளிலும் இதுபோன்ற வசதிகள் உள்ளன. அவ்வங்கிகளுக்கான பிரத்தியேகமான மொபைல் செயலிகளைப் பயன்படுத்தி நீங்கள் சுலபமாகப் பணம் எடுக்கலாம்.