வீட்டு லோன், கார் லோன்... பண்டிகை சீசன் சலுகை!

தசரா, தீபாவளி பண்டிகை நெருங்கிவிட்டாலே வங்கிகள் அனைத்தும் பல்வேறு சிறப்புத் திட்டங்களை அறிவிப்பது வழக்கம். அதன்படி ஒவ்வொரு வங்கியாக தங்களது வாடிக்கையாளர்களுக்குக் கட்டுக் கட்டான சலுகைகளை அறிவித்து வருகின்றன. அந்த வரிசையில் ஐடிபிஐ வங்கி சிறப்புக் கடன் திட்டத்தை அறிவித்துள்ளது. ‘i_zoomdrive’ என்ற பெயரில் வாகனக் கடன் சலுகை அறிவிக்கப்பட்டுள்ளது. இதன் மூலம் கார், பைக் வாங்க விரும்பும் வாடிக்கையாளர்கள் சிறப்புக் கடன் சலுகை பெறலாம். குறைந்த வட்டியிலும் கடன் கிடைக்கும்.

வாகனங்களின் சந்தை விலையில் 100 சதவீதத் தொகையையும் கடனாகப் பெறும் வாய்ப்பு வாடிக்கையாளர்களுக்கு வந்துள்ளது. இதுமட்டுமல்லாமல், கடன் பாக்கியை பாதியாக அல்லது முன்கூட்டியே முடிப்பதற்கு அபராதம் செலுத்த வேண்டியிருக்காது. கல்விக் கடன் பெறுபவர்களுக்கு ‘i_learn’ என்ற பெயரில் சிறப்புத் திட்டம் அறிவிக்கப்பட்டுள்ளது. இந்தியா அல்லது வெளிநாட்டில் உள்ள பெரிய கல்வி நிறுவனங்களில் படிக்க விரும்பும் மாணவர்கள் இத்திட்டத்தின் கீழ் சிறப்புக் கடன் பெறலாம்.

Gold rate: விலைய கேட்டா நெஞ்சு வலியே வந்திடும்!

வீட்டுக் கடன் வாங்க விரும்புபவர்களுக்கும் சிறப்புத் திட்டம் அறிவிக்கப்பட்டுள்ளது. புதிய வீடு வாங்க இதுவொரு நல்ல வாய்ப்பாகும். செயல்பாட்டுக் கட்டணங்களும் இதற்கு ரத்து செய்யப்பட்டுள்ளன. கடனுக்கான ஒப்புதலும் விரைவாக வழங்கப்படுகிறது. கடனைத் திருப்பிச் செலுத்துவதற்கான கால வரம்பும் வாடிக்கையாளர்களுக்கு ஏதுவான வகையில் ஏற்பாடு செய்யப்படுகிறது.