வளர்ச்சிப் பாதையில் இந்தியப் பொருளாதாரம்: ஐஎம்எஃப் நம்பிக்கை

ஏற்றத்துடன் காணப்படும் இந்தியப் பொருளாதாரம், 2015-16 நிதியாண்டு முடிவில், 7.3% வளர்ச்சியையும், 2017-18ல் 7.5% வளர்ச்சியையும் எட்ட வாய்ப்புள்ளதாக, ஐஎம்எஃப் தெரிவித்துள்ளது.

ஐஎம்எஃப் எனப்படும் சர்வதேச செலாவணி நிதியம் இந்தியாவின் வளர்ச்சி குறித்து அறிக்கை வெளியிட்டுள்ளது. அதில், பணவீக்கத்தை கட்டுப்படுத்துவது, மானிய திட்டங்களை வரைமுறை செய்வது, தொழிலாளர் சீர்திருத்த நடவடிக்கைகள் என பல்வேறு துறைகளிலும் மத்திய அரசு சிறப்பான வளர்ச்சி பணிகளை மேற்கொண்டு வருவதாகக் கூறப்பட்டுள்ளது.

இதுபோன்ற காரணங்களால், இந்திய பங்குச்சந்தைகள் புதுப்புது உச்சத்தை தொட்டு வருகின்றன. மத்திய அரசும், ரிசர்வ் வங்கியும் எடுத்து வரும் வளர்ச்சிப் பணிகள் எதிர்பார்த்தபடி உள்ளன.

எனவே, 2015-16 நிதியாண்டு முடிவில், 7.3% வளர்ச்சியையும், 2017-18ல் 7.5% வளர்ச்சியையும் இந்தியப் பொருளாதாரம் எட்டக்கூடும் என்றும் சர்வதேச செலாவணி நிதியம் குறிப்பிட்டுள்ளது.