வருமான வரி ரீஃபண்ட் அனுப்பியாச்சு.. உங்களுக்கு பணம் வந்துருச்சா?

நடப்பு நிதியாண்டு இறுதியை நெருங்கி வரும் நிலையில் இதுவரை 1.67 லட்சம் கோடி ரூபாய் வருமான வரி ரீஃபண்ட் தொகை அனுப்பப்பட்டுள்ளதாக வருமான வரித் துறை தெரிவித்துள்ளது.

நடப்பு நிதியாண்டில் இதுவரை 1.87 கோடி பேருக்கு 1.67 லட்சம் கோடி ரூபாய் வருமான வரி ரீஃபண்ட் தொகை செலுத்தப்பட்டுள்ளதாக வருமான வரித் துறை தகவல் வெளியிட்டுள்ளது.

இதில் 2021-22ஆம் மதிப்பீட்டு ஆண்டுக்கான (Assessment year) ரீஃபண்ட் தொகை 28,704.38 கோடி ரூபாய் 1.48 கோடி பேருக்கு அனுப்பப்பட்டுள்ளதாகவும் வருமான வரித் துறை தெரிவித்துள்ளது.

வருமான வரித் தாக்கல்.. இனி ஒரு முறை மட்டுமே அனுமதி!
இதுகுறித்து வருமான வரித் துறை ட்விட்டரில், “2021 ஏப்ரல் 1ஆம் தேதி முதல் 2022 பிப்ரவரி 7ஆம் தேதி வரை 1.87 கோடி பேருக்கு 1,67,048 கோடி ரூபாய் வருமான வரி ரீஃபண்ட் அனுப்பப்பட்டுள்ளது.

1,85,65,723 பேருக்கு 59,949 கோடி ரூபாய் தனிநபர் வருமான வரி ரீஃபண்ட் தொகையும், 2,28,100 நிறுவனங்களுக்கு 1,07,099 கோடி ரூபாய் கார்ப்பரேட் வரி ரீஃபண்ட் தொகையும் செலுத்தப்பட்டுள்ளது. 2021-22ஆம் மதிப்பீட்டு ஆண்டுக்கு 28,704.38 கோடி ரூபாய் ரீஃபண்ட் அனுப்பப்பட்டுள்ளது” என்று தெரிவித்துள்ளது.