2019ஆம் நிதியாண்டுக்கான வருமான வரித் தாக்கல் செய்வதற்கு செப்டம்பர் 30ஆம் தேதி கடைசி நாளாகும். இதேபோல, 2020ஆம் நிதியாண்டுக்கு வருமான வரி தாக்கல் செய்வதற்கு கடைசி தேதி நவம்பர் 30ஆம் தேதியாகும்.

நீங்கள் 2019ஆம் ஆண்டுக்கான வருமான வரித் தாக்கல் செய்ய வேண்டுமெனில், உடனடியாக தாக்கல் செய்துவிடுவது நல்லது. ஏனெனில், தாமதமான வருமான வரித் தாக்கலுக்கு நிச்சயம் தண்டனையோ, வட்டியோ விதிக்கப்படும்.

மேற்கூறியபடி கடைசி தேதிக்குள் வருமான வரித் தாக்கல் செய்ய முடியாவிட்டால் டிசம்பர் 31ஆம் தேதி வரை தாமதமாக செலுத்தலாம். இதற்கு கூடுதலாக ரூ.5,000 அபராதத் தொகையாக வசூலிக்கப்படும்.

இதுவே டிசம்பரையும் தாண்டி மார்ச் 31ஆம் தேதி வரை வருமான வரித் தாக்கல் செய்தால் ரூ.10,000 அபராதம் விதிக்கப்படும். ரூ.5 லட்சம் வரை வருமானம் பெறுவோருக்கு மட்டும் ரூ.1000 அபராதம் விதிக்கப்படும்.

Home Loan: ஏற்கெனவே கடன் வாங்கியோருக்கு ஹேப்பி நியூஸ்!

வருமான வரித் தாக்கல் செய்தபின்னர் உங்களுக்கான ரீஃபண்ட் தொகையை பெறலாம். நீங்கள் வருமான வரித் தாக்கல் செய்த தேதிக்கு ஏற்ப ரீஃபண்ட் தொகையுடன் வருமான வரித் துறை வட்டியும் சேர்த்து கொடுக்கும். எனவே, தாமதமாக வருமான வரித் தாக்கல் செய்வதால் வட்டியை இழந்துவிடுவீர்கள்.

ஏற்கெனவே காலக்கெடு நீட்டிப்புக்கு பின் தற்போது வருமான வரித் தாக்கல் செய்ய கடைசி வாய்ப்பு வழங்கப்படுகிறது. இப்போதும் வரித் தாக்கல் செய்யாவிட்டால் உங்களுக்கு வருமான வரித் துறையிடம் இருந்து நோட்டீஸ் வரும்.