இந்தியாவிலும் லட்சக் கணக்கில் பிட்காயின் புழக்கம்

வருமான வரித்துறையினர் நடத்திய ஆய்வில் இந்தியாவில் 6 லட்சம் வர்த்தகர்கள் பிட்காயின் உள்ளிட்ட கிரிப்டோ கரன்சிகளை பயன்படுத்துகிறார்கள் என்று தெரியவந்துள்ளது.

கிரிப்டோ கரன்சி என்பது இணையத்தில் மட்டுமே கிடைக்கும் கண்ணுக்குத் தெரியாத பணம் ஆகும். இது உலகம் முழுவதிலும் ஒரே மதிப்பு கொண்டது. இதில் பிரபலமான பிட்காயின் 2009ஆம் ஆண்டு அறிமுகமானது.

இணைதளங்கள் மூலம் மட்டுமே வாங்க முடியும் அல்லது விற்க முடியும். Unocoin, Zebpay, Bitxoxo, Coinsecure இணையதளங்கள் இந்தியாவில் பிட்காயின்களை விற்கின்றன.

இந்நிலையில், வருமான வரித்துறை நடத்திய ஆய்வு ஒன்றில் இந்தியாவில் 6 லட்சம் வர்த்தகர்கள் பிட்காயின் உள்ளிட்ட கிரிப்டோ கரன்சிகளை இந்தியாவில் பயன்படுத்துகிறார்கள் என்று தெரியவந்துள்ளது. பதிவுசெய்திருக்கும் 25 லட்சம் வர்த்தகர்களில் சுமார் நான்கில் ஒரு பங்கினர் கிரிப்டோ கரன்சி புழக்கத்தை மேற்கொண்டிருப்பது ஆச்சரியத்தை ஏற்படுத்தியுள்ளது.

பிட்காயின் போலவே Litecoin, Ethereum, Zcash, Ripple போன்ற வேறு சில கிரிப்டோ கரன்சி வகைகளும் உள்ளன. ஆனால் தற்போது உலக அளவில் புழக்கத்தில் உள்ள பிட்காயின்களின் மதிப்பு மட்டும் 18.03 லட்சம் கோடி (இந்திய ரூபாயில்). அண்மையில் இதன் மதிப்பு 10% வீழ்ச்சி அடைந்துள்ள நிலையில், தென் கொரிய அரசு இவற்றிற்கு தடை போட திட்டமிட்டுள்ளதாக தகவல் வெளியாகியுள்ளது குறிப்பிடத்தக்கது.