தங்கம் மறுசுழற்சி.. கெத்து காட்டும் இந்தியா!

தங்கம் என்பது இந்தியாவில் மிகவும் விரும்பத்தக்க ஒரு பொருளாகும். தங்கத்தை வைத்திருப்பது கௌரவம் என்று ஒரு தரப்பினர் நினைப்பார்கள். இன்னொரு தரப்பினருக்கு அதுவொரு சிறந்த முதலீட்டுக் கருவியாகும். தங்கம் விலை நாளுக்கு நாள் அதிகரித்து வருவதால் தங்கத்தை இப்போது வாங்கி வைத்தால் எதிர்காலத்தில் அதற்கு அதிக லாபம் கிடைக்கும்.

தங்கம் இறக்குமதியில் சர்வதேச அளவில் இந்தியா முன்னிலை வகிக்கிறது. நகை தயாரிப்புக்காகவே அதிகளவு தங்கம் பயன்படுத்தப்படுகிறது. தங்கம் சுத்திகரிப்பு மற்றும் தங்கத்தை மறுசுழற்சி செய்து பயன்படுத்துவதிலும் இந்தியா சிறப்பான செயல்பாட்டைக் கொண்டுள்ளது. இதுகுறித்து உலக தங்க கவுன்சில் அறிக்கை ஒன்றை வெளியிட்டுள்ளது.

’தங்கம் சுத்திகரிப்பு மற்றும் மறுசுழற்சி’ என்ற பெயரில் உலக தங்க கவுன்சில் வெளியிட்டுள்ள பட்டியலில், சீனா முதலிடத்தில் இருக்கிறது. சீனா மொத்தம் 168 டன் தங்கத்தை 2021ஆம் ஆண்டில் மறுசுழற்சி செய்துள்ளது. இரண்டாம் இடத்தில் இருப்பது இத்தாலி. அந்நாடு மொத்தம் 80 டன் தங்கத்தை மறுசுழற்சி செய்துள்ளது.

தங்கம் விலை கம்மி.. நகை வாங்க நல்ல நேரம்!

இந்தப் பட்டியலில் இந்தியா நான்காம் இடத்தில் இருக்கிறது. இந்தியா 2021ஆம் ஆண்டில் மித்தம் 75 டன் தங்கத்தை மறுசுழற்சி செய்திருக்கிறது. சுத்திகரிப்பைப் பொறுத்தவரையில், 2021ஆம் ஆண்டில் இந்தியா மொத்தம் 1,500 டன் தங்கத்தை சுத்திகரிப்பு செய்துள்ளது. 2013ஆம் ஆண்டில் இதன் அளவு 300 டன்னாக மட்டுமே இருந்தது என்பது குறிப்பிடத்தக்கது.