‘2018ல் இந்தியப் பொருளாதாரம் வேகமாக வளரும்’

டெல்லி: இந்தியப் பொருளாதார நிலை நடப்பு ஆண்டில் வேகமாக வளரும் என்று ஆய்வு அறிக்கை ஒன்று தெரிவிக்கிறது.

Sanctum Wealth Management என்ற நிறுவனம் வெளியிட்டுள்ள ஆய்வு அறிக்கையில் இந்தியப் பொருளாதாரம் 2018ஆம் ஆண்டில் வேகமாக வளர்ச்சி அடையும் என்றும் இந்தியப் பங்குச்சந்தை உலகிலேயே 5வது பெரிய சந்தையாக உருவெடுக்கும் என்றும் தெரிவிக்கப்பட்டுள்ளது.

உலகின் பிற நாடுகள் கட்டமைப்பில் போதிய மாற்றம் இல்லாமல் குறைவான வளர்ச்சியை அடையம் நிலையில் இருக்கும் சூழலில் இந்தியா நீடித்த பொருளாதார வளர்ச்சிக்காக பல சீர்திருத்தங்களை மேற்கொண்டு வருகிறது என்று அந்த அறிக்கை கூறுகிறது.

சீனாவைப் பின்னுக்குத் தள்ளி இந்தியா உலகிலேயே வேகமாக வளரும் நாடு என்ற நிலையை அடையும் என்றும் வளர்ந்த நாடுகள் 2 முதல் 3 சதவீதம் வளர்ச்சியை எதிர்நோக்கியுள்ள சமயத்தில் இந்தியா 7.5% வளர்ச்சியைத் தாண்டுவதற்கு முயன்று வருகிறது என்றும் அந்த அறிக்கை குறிப்பிடுகிறது.