இந்தியாதான் டாப்.. மாஸ் காட்டும் பொருளாதாரம்!

2020ஆம் ஆண்டில் இந்தியாவையே புரட்டிப் போட்ட கொரோனா வைரஸ் பாதிப்பால் இந்தியப் பொருளாதாரம் மிகப் பெரிய வீழ்ச்சியைச் சந்தித்தது. அதிலிருந்து மீண்டு வரவே ஒரு ஆண்டுக்கும் மேல் ஆனது. பொருளாதாரச் சலுகைகள், ஊரடங்கு தளர்வுகள், கொரோனா தடுப்பூசித் திட்டம் போன்ற பல்வேறு நடவடிக்கைகளால் இந்தியப் பொருளாதாரம் வளர்ச்சிப் பாதையில் பயணிக்கத் தொடங்கியது.

கொரோனா இரண்டாம் அலையால் பொருளாதார பாதிப்புகள் சிறிதளவு இருந்தாலும் ஊரடங்கு தளர்வுக்குப் பின்னர் கொரோனாவுக்கு முந்தைய நிலையை இந்தியா எட்டத் தொடங்கியது. 2021-22 நிதியாண்டில் இந்தியப் பொருளாதாரம் 9.2 சதவீதம் வளர்ச்சியடையும் என்று இந்திய அரசு தனது மதிப்பிட்டிருந்தது அதேபோல, 2022-23 நிதியாண்டில் 8.7 சதவீத வளர்ச்சியை இந்தியா கொண்டிருக்கும் எனவும் உலக வங்கி உள்ளிட்ட அமைப்புகள் கணித்திருந்தன. அதற்கு ஏற்றாற்போல இந்தியா மிக வேகமாக வளர்ந்து வருகிறது.

இந்நிலையில், நம்பிக்கை அளிக்கும் வகையில் ஐக்கிய நாடுகள் சபை அறிக்கை வெளியிட்டுள்ளது. அதில், 2022ஆம் ஆண்டில் இந்தியா 6.4 சதவீத வளர்ச்சியைக் கொண்டிருக்கும் என்று தெரிவித்துள்ளது. மேலும், இந்த ஆண்டில் அதி வேகமாக வளர்ச்சியடையும் நாடுகளில் இந்தியாதான் முன்னிலையில் இருக்கும் எனவும் ஐக்கிய நாடுகள் சபை தெரிவித்துள்ளது. ஐக்கிய நாடுகள் சபையின் உலக பொருளாதார சூழல் மற்றும் சமுக நல அமைப்புதான் இந்த அறிக்கையை வெளியிட்டுள்ளது.

உங்க கிட்ட Gpay இருக்கா? அப்போ கட்டாயம் இதை பாருங்க!

2021ஆம் ஆண்டில் இந்தியா 8.8 சதவீத வளர்ச்சியை இந்தியா கொண்டிருந்ததாகக் கூறியுள்ள ஐக்கிய நாடுகள் சபையின் இந்த அறிக்கை, இந்த ஆண்டில் வளர்ச்சி விகிதம் குறைவாக இருந்தாலும் மற்ற நாடுகளை விட அதிகமாகவே இருக்கும் என்று சுட்டிக் காட்டியுள்ளது. சர்வதேச பொருளாதார வளர்ச்சியைப் பொறுத்தவரையில், 2022ஆம் ஆண்டில் 3.1 சதவீத வளர்ச்சி மட்டுமே இருக்கும் என்று மதிப்பிடப்பட்டுள்ளது. முன்னதாக ஜனவரி மாதம் வெளியிடப்பட்ட அறிக்கையில் உலகப் பொருளாதாரம் இந்த ஆண்டில் 4 சதவீத வளர்ச்சியைக் கொண்டிருக்கும் என்று கணிக்கப்பட்டிருந்தது குறிப்பிடத்தக்கது.