பொருளாதார மந்தநிலை: வரலாற்றிலேயே மாபெரும் வீழ்ச்சி - அரவிந்த் சுப்ரமணியன்

2019ஆம் ஆண்டு தொடங்கியது முதலே இந்தியப் பொருளாதார வளர்ச்சி பின்னோக்கிச் சென்று கொண்டிருக்கிறது. ஏப்ரல் - ஜூன் காலாண்டில் 5 சதவீதமாகவும், ஜூலை - செப்டம்பர் காலாண்டில் 4.5 சதவீதமாகவும் பொருளாதார வளர்ச்சி வீழ்ச்சியடைந்தது. இந்த ஆண்டின் எஞ்சிய காலாண்டுகளிலும் வளர்ச்சி இன்னும் மோசமாகவே இருக்கும் என்று சர்வதேச ஆய்வு நிறுவனங்கள் மதிப்பிட்டுள்ளன. இதுபோன்ற சூழலில் நாட்டின் பொருளாதார வளர்ச்சியை மீட்டெடுக்க வேண்டிய மிகப் பெரிய பொறுப்பு மத்திய அரசுக்கு இருக்கிறது.


இந்நிலையில் இந்தியப் பொருளாதார வளர்ச்சி நிலை குறித்து முன்னாள் தலைமைப் பொருளாதார ஆலோசகரான அரவிந்த் சுப்ரமணியன் கருத்துத் தெரிவித்துள்ளார். மோடி அரசின் முதல் தலைமைப் பொருளாதார ஆலோசகரான இவர் சில காரணங்களுக்காக 2018 ஆகஸ்ட் மாதம் அப்பொறுப்பிலிருந்து விலகினார். அவர் தற்போது முன்னாள் சர்வதேச நாணய நிதியத் தலைவரான ஜோஷ் ஃபெல்மேனுடன் இணைந்து எழுதியுள்ள ஆய்வறிக்கையில் இந்தியப் பொருளாதார வளர்ச்சி குறித்து கவலை தெரிவித்துள்ளார்.

தங்கம் விலை: இன்னைக்கு எப்படி இருக்கு தெரியுமா?

இது ஒன்றும் சாதாரண மந்தநிலை இல்லை என்றும், வரலாற்றிலேயே இந்தியா சந்திக்கும் மிகப் பெரிய பொருளாதார மந்தநிலை இதுதான் எனவும் அவர் கூறியுள்ளார். வங்கியல்லாத நிதி நிறுவனங்கள், ரியல் எஸ்டேட், உள்கட்டுமானம், வங்கி ஆகிய நான்கு துறைகள்தான் மிகக் கடுமையாகப் பாதிக்கப்பட்டுள்ளதாகவும், பொருளாதார மந்தநிலைக்கு வழிவகுத்துள்ளதாகவும் அரவிந்த் சுப்ரமணியன் சுட்டிக்காட்டியுள்ளார்.

Pre budget meeting: நிர்மலா சீதாராமனுடன் பன்னீர் செல்வம் ஆலோசனை!

2004 - 2011 காலகட்டத்தில் ஸ்டீல், மின்சாரம், உள்கட்டுமானம் ஆகிய துறைகளுக்கு வழங்கப்பட்ட கடன்களில் பெரும்பாலான கடன்கள் திருப்பிச் செலுத்தப்படாமல் வாராக் கடன்களாக மாறியுள்ளன. இது வங்கித் துறையின் வீழ்ச்சிக்கு இட்டுச்சென்றுள்ளது. சர்வதேச அளவில் பொருளாதார மந்தநிலை ஏற்பட்ட பிறகு இந்தியாவின் நீண்ட கால வளர்ச்சி பின்னடைவைச் சந்திக்கத் தொடங்கியதாகவும் அரவிந்த் சுப்ரமணியன் கூறியுள்ளார்.