இந்தியப் பொருளாதாரம் 7.2%ஆக அபார வளர்ச்சி பெறும்; ஐ.நா கணிப்பு!

நியூயார்க்: நாட்டின் பொருளாதாரம் சிறப்பான வளர்ச்சி பெறும் என்று ஐநா கணித்துள்ளது.

ஆசிய பசுபிக் நாடுகளின் பொருளாதார வளர்ச்சி குறித்த ஆய்வறிக்கையை ஐநாவின் பொருளாதார மற்றும் சமூக ஆணையம் வெளியிட்டுள்ளது.

அதில், ஜிஎஸ்டி அமலாக்கம், வங்கிகளின் வாராக் கடன் சுமை, கார்ப்பரேட் நிறுவன செயல்பாடுகளின் மந்த நிலை போன்றவற்றால் இந்தியப் பொருளாதாரத்தின் வளர்ச்சி 2017ல் 6.6%ஆக சரிவடைந்தது.

ஆனால் 2016ல் 7.1%ஆக இருந்தது. இந்நிலையில் கார்ப்பரேட் நிறுவனங்கள் ஜிஎஸ்டி நடைமுறைக்கு மாறி வருகின்றன. அடிப்படை கட்டமைப்பு திட்டங்களுக்கான அரசின் ஒதுக்கீடு அதிகரித்துள்ளது.

வாராக்கடனை குறித்து, நிதிநிலையை உயர்த்த வங்கிகள் நடவடிக்கை எடுத்து வருகின்றன. இதனால் இந்தியப் பொருளாதாரம் 7.2% என்றும், 7.4% என்றும் தொடர்ந்து உயரும்.

ஆசிய பசுபிக் நாடுகளின் ஒட்டுமொத்த பொருளாதார வளர்ச்சி 2017ல் 5.8%ஆக உயர்ந்தது. ஆனால் 2016ல் 5.4%ஆக இருந்தது எனத் தெரிவிக்கப்பட்டுள்ளது.

Indian economy will become 7.2% growth says UN report.