இந்தியப் பொருளாதாரம்... நல்ல காலம் பொறக்குது!

2020ஆம் ஆண்டின் தொடக்கத்தில் உலகின் மற்ற நாடுகளில் பெரும் சேதாரத்தை ஏற்படுத்தி கொரோனா வைரஸ், இந்தியாவிலும் தனது வேலையைக் காட்டத் தொடங்கியது. கொரோனா உயிரிழப்புகள் நாளுக்கு நாள் அதிகரித்ததால் மார்ச் மாத இறுதியில் நாடு தழுவிய ஊரடங்கு அமல்படுத்தப்பட்டது. இதனால் தொழில் நிறுவனங்கள் அனைத்தும் இழுத்து மூடப்பட்டு உற்பத்தி பாதிக்கப்பட்டது. ஏற்றுமதி - இறக்குமதி வர்த்தகமும் முடங்கியது. இதனால் மாபெரும் பொருளாதார வீழ்ச்சியை இந்தியா எதிர்கொண்டது. ஏற்கெனவே பொருளாதார மந்தநிலையில் தவித்துக் கொண்டிருந்த இந்தியாவுக்கு இது மேலும் பின்னடைவை ஏற்படுத்தியது.

தற்போது கொரோனாவுக்கு மருந்து கண்டுபிடிக்கப்பட்டு இயல்பு நிலை திரும்பி வரும் சூழலில் பொருளாதார வளர்ச்சியிலும் நம்பிக்கை திரும்பியது. ஆனால் இப்போது கொரோனா இரண்டாம் அலை வீசத் தொடங்கியுள்ளதால் மீண்டும் பொருளாதார வளர்ச்சியில் கவலை ஏற்பட்டுள்ளது. கொரோனா பாதிப்புகள் இருந்தாலும் இந்த ஆண்டில் இந்தியா இரட்டை இலக்க வளர்ச்சியை எட்டும் என்று மூடீஸ் நிறுவனம் தனது ஆய்வில் தெரிவித்துள்ளது. சில இடங்களில் ஊரடங்கு அமல்படுத்தப்பட்டதால் பொருளாதார நடவடிக்கைகளில் பாதிப்பு ஏற்பட்டாலும், 2020ஆம் ஆண்டு அளவுக்கு பாதிப்பு இருக்காது என்று மூடீஸ் நிறுவனம் கூறியுள்ளது.

அக்கவுண்ட்ல பணம் இல்லாமலேயே ரூ.3 லட்சம் வரை எடுக்கலாம்!!
மற்ற நாடுகளை ஒப்பிடும்போது இந்தியாவில் கொரோனா உயிரிழப்புகள் குறைவாகவே இருப்பதாகவும், இந்தியாவில் இளம் தலைமுறையினர் அதிகமாக இருப்பதாலும் பெரிய அளவில் பாதிப்பு இல்லை என்றும் மூடீஸ் நிறுவனம் தெரிவித்துள்ளது. முன்னதாக பிப்ரவரி மாதத்தில் மூடீஸ் நிறுவனம் வெளியிட்டிருந்த ஆய்வறிக்கையில், இந்தியப் பொருளாதாரம் இந்த ஆண்டில் 13.7 சதவீதம் வரையில் வளர்ச்சி காணும் என்று கூறியிருந்தது. அதேபோல, 2021 காலண்டர் வருடத்தில் 12 சதவீத வளர்ச்சி இருக்கும் என்று மதிப்பிடப்பட்டுள்ளது. அரசு தரப்பு அறிக்கையின்படி, சென்ற 2020-21 நிதியாண்டில் இந்தியப் பொருளாதாரம் 8 சதவீதம் வீழ்ச்சியைச் சந்தித்தது குறிப்பிடத்தக்கது.