பொருளாதார வளர்ச்சியில் நம்பிக்கை: ஆய்வில் தகவல்!

2016ஆம் ஆண்டில் இந்தியாவில் பணமதிப்பழிப்பு நடவடிக்கை மேற்கொள்ளப்பட்டதிலிருந்தே இந்தியப் பொருளாதாரம் வீழ்ச்சிப் பாதையில் பயணித்துக் கொண்டிருக்கிறது. சென்ற ஆண்டில் கொரோனா பாதிப்பால் இந்தியப் பொருளாதாரம் மேலும் பின்னடைவைச் சந்தித்தது. கொரோனா பாதிப்பால் 2020 மார்ச் மாத இறுதியில் நாடு தழுவிய ஊரடங்கு அமல்படுத்தப்பட்டது. இதனால் தொழில் துறை முடங்கியதோடு, ஏற்றுமதி - இறக்குமதி வர்த்தகமும் பாதிக்கப்பட்டது. இதனால் இந்தியப் பொருளாதாரம் முன்னெப்போதும் இல்லாத அளவுக்கு மிகப் பெரிய வீழ்ச்சியைச் சந்தித்தது.

இருந்தாலும் கொரோனா பாதிப்புகள் குறைந்து 2021ஆம் ஆண்டில் இந்தியப் பொருளாதாரம் வளர்ச்சியைச் சந்திக்கும் என்று பல்வேறு ஆய்வு நிறுவனங்கள் நம்பிக்கை தெரிவித்திருந்தன. ஆனால் தற்போது கொரோனா இரண்டாம் அலை வீசி வருவதால் மீண்டும் உயிரிழப்புகள் அதிகரித்து வருகின்றன. பொருளாதார வளர்ச்சி மீண்டும் நம்பிக்கை குறைந்து வருகிறது. இந்நிலையில் நம்பிக்கை தரும் விதமாக, நடப்பு நிதியாண்டில் இந்தியப் பொருளாதாரம் 9.3 சதவீதம் வளர்ச்சி காணும் என்று மூடீஸ் இன்வெஸ்டார்ஸ் சர்வைஸ் நிறுவனம் தெரிவித்துள்ளது.

சென்னை: காய்கறி விலை வீழ்ச்சி!
ஏப்ரல் - ஜூன் மாதங்களில் கொரோனா பாதிப்பால் வீழ்ச்சி இருந்தாலும் அடுத்து வரும் மாதங்களில் வளர்ச்சி திரும்பும் எனவும், நீண்ட கால அடிப்படையில் இந்தியாவின் மொத்த உள்நாட்டு உற்பத்தி வளர்ச்சி சராசரியாக 6 சதவீதமாக இருக்கும் எனவும் மூடீஸ் நிறுவனம் தெரிவித்துள்ளது. அடுத்து வரும் 2022-23 நிதியாண்டில் இந்தியப் பொருளாதார வளர்ச்சி 7.9 சதவீதமாக இருக்கும் எனவும் இந்த ஆய்வில் மதிப்பிடப்பட்டுள்ளது.