ஆன்லைன் ஷாப்பிங்கில் பெண்களை மிஞ்சிய ஆண்கள்

டெல்லி : 2016-ம் ஆண்டில் பிளிப்கார்ட் இணையதளத்தில் ஆன்லைன் ஷாப்பிங்கை மேற்கொண்டவர்களில் பெண்களை விட ஆண்களே அதிகம் என்று அந்த நிறுவனம் தெரிவித்துள்ளது.

ஆன்லைனில் ஷாப்பிங் என்றாலே பெண்கள் தான் என்ற எண்ணத்திற்கு பிரபல ஆன்லைன் வர்த்தக நிறுவமான பிளிப்கார்டு வெளியிட்டுள்ள ஆய்வின் முடிவுகள் தெரிவித்துள்ளனர். பிளிப்கார்ட் நிறுவனம் தனது இணையத்தளத்தில் 2016-ம் ஆண்டில் என்ன பொருட்கள் ,எந்த பகுதியில் அதிகம் விற்பனையாகி இருக்கிறது என்பது உள்ளிட்ட பல்வேறு விடயங்கள் குறித்து பிளிப் டெண்டின்ஸ் 2016 - என்ற தலைப்பில் வெளியிட்டுள்ளது.

இந்த ஆய்வின் படி, எலக்ராணிக் பொருட்கள் , உடைகள் , காலணிகள் போன்றவற்றை 60% ஆண்களே அதிகம் ஷாப்பிங் செய்வதாக தெரியவந்துள்ளது.மேலும் 24 வயது முதல் 35 வயது வரை உள்ள ஆண்கள் அதிகளவில் ஆன்லைனில் பொருட்கள் வாங்க ஆர்வம் காட்டுவதாக அந்த நிறுவனம் தெரிவித்துள்ளது.