6000 ரயில் நிலையங்களில் இலவச வைஃபை வசதி!

ரயில் பயணிகளை டிஜிட்டல் முறையுடன் இணைப்பதற்காக வைஃபை வசதிகளை தொலைதூர ரயில் நிலையங்களுக்கும் கொண்டு சேர்க்கும் பணியில் இந்திய ரயில்வே துறை தொடர்ந்து செயல்பட்டு வருகிறது. இதன்படி கடந்த 2016ஆம் ஆண்டில் மும்பையில் முதன்முதலாக வைஃபை சேவை தொடங்கப்பட்டது.

அதைத் தொடர்ந்து பல்வேறு ரயில் நிலையங்களில் வைஃபை அமைக்கப்பட்டு வருகிறது. தற்போது ஜார்க்கண்ட் மாநிலத்தின் ஹசாரிபாக் நகர் ரயில் நிலையத்தில் நிறுவப்பட்டதன் வைஃபை வசதி அமைக்கப்பட்டுள்ளது. இதன் மூலம் இந்தியாவில் இதுவரையில் சுமார் 6,000 ரயில் நிலையங்களில் வைஃபை வசதி ஏற்படுத்தப்பட்டுள்ளது.

மே 15ஆம் தேதியில் ஒடிசா மாநிலத்தின் அங்குல் மாவட்டத்தில் உள்ள ஜராபதா ரயில் நிலையத்திலும் வைஃபை சேவை தொடங்கப்பட்டது. தமிழகத்தைப் பொறுத்தவரையில், இதுவரையில் 418 ரயில் நிலையங்களில் வைஃபை சேவை தொடக்கப்பட்டுள்ளது. இந்திய அரசின் டிஜிட்டல் இந்தியா திட்டத்தின் ஒரு கட்டமாகல் ரயில் நிலையங்களில் வைஃபை வசதி அமைக்கப்பட்டு வருகிறது.

கார் வாங்க சூப்பர் வாய்ப்பு... 36,000 ரூபாய் தள்ளுபடி!!
இத்திட்டத்தின் கீழ் கிராமப் புறங்களிலும் டிஜிட்டல் பயன்பாடு அதிகரித்து வருகிறது. இதன் மூலம் ஊரக மற்றும் நகர்ப்புற மக்களுக்கு இடையேயான டிஜிட்டல் இடைவெளி குறைக்கப்பட்டு வருவதாக மத்திய ரயில்வே அமைச்சகம் தெரிவித்துள்ளது.