Rupee: இந்திய ரூபாய் மதிப்பு பயங்கர சரிவு!

அமெரிக்க டாலருக்கு நிகரான இந்திய ரூபாய் மதிப்பு இன்று மிக கடுமையாக சரிந்துள்ளது. இன்று வர்த்தகத்தின்போது அமெரிக்க டாலருக்கு நிகரான இந்திய ரூபாய் மதிப்பு 13 பைசா சரிந்து 77.81 அளவுக்கு குறைந்தது.

கச்சா எண்ணெய் விலை உயர்வு, வெளிநாட்டு மூலதனம் வெளியேற்றம் போன்ற காரணங்களால் ரூபாய் மதிப்பு கடுமையாக சரிந்துள்ளது. நேற்று அமெரிக்க டாலருக்கு நிகரான ரூபாய் மதிப்பு 10 பைசா அதிகரித்தது. ஆனால் இன்று 13 பைசா குறைந்துள்ளது.

கச்சா எண்ணெய் விலை தொடர்ந்து உயர்ந்து வருகிறது. இன்று கச்சா எண்ணெய் விலை பேரலுக்கு 122 டாலர் அளவை தொட்டுள்ளது. இதுமட்டுமல்லாமல், வெளிநாட்டு முதலீட்டாளர்களின் பணம் வெளியேறி வருகிறது.

வீட்டு கடன், வாகன கடன், தனிநபர் கடன் EMI உயர்வு.. இன்று முதல் அமல்!
நேற்று பங்கு வர்த்தகத்தில் வெளிநாட்டு நிறுவன முதலீட்டாளர்கள் (FII) 2,484.25 கோடி ரூபாய்க்கு பங்குகளை விற்பனை செய்துள்ளனர். மேலும், பணவீக்கத்தை சமாளிப்பதற்காக ரிசர்வ் வங்கி நேற்று ரெப்போ வட்டி விகிதத்தை 0.50% உயர்த்தியுள்ளது.

மேலும், டாலர் குறியீடு 0.01% அதிகரித்து 102.55 ஆக உள்ளது. வலுவான டாலர், கச்சா எண்ணெய் விலை உயர்வு, வெளிநாட்டு முதலீடு வெளியேற்றம் உள்ளிட்ட காரணங்களால் இன்று இந்திய ரூபாய் மதிப்பு சரிந்துள்ளது.