பெரிய திரை கொண்ட ஸ்மார்ட் போன்களை விரும்பும் இந்தியர்கள்!!

இந்தியாவில் பெரிய அளவு திரை கொண்ட புதுவகை பேப்லெட்கள் அதிகளவில் விற்பனையாகி வருகின்றன.

மொபைல் போன்களின் பயன்பாடு நாளுக்குநாள் அதிவேகமாக வளர்ந்துவருகிறது. மக்களின் தேவையை பூர்த்தி செய்யும் விதத்தில் செல்போன் நிறுவனங்களும் புதிய புதிய மாடல்களை அறிமுகப்படுத்தி வருகின்றனர். மிகக்குறைந்த ஆண்டுகளில் மிகப் பெரிய வளர்ச்சி பெற்ற ஒரே துறை செல்போன் ஆகும்.
ஆரம்ப காலத்தில் விற்பனைக்கு வந்த செல்போன்கள், மிகப்பெரியதாகவும், தொடுதிரை இல்லாமல் பட்டன் டைப்பில் இருந்தது. பின்னர் கால மாற்றத்திற்கு ஏற்ப தொடுதிரை கொண்ட செல்போன்களும், சிறிய வகை செல்போன்களும் புழக்கத்தில் வந்தன. முதலில் சிறிய அளவிலான செல்போன்களை விரும்பிய மக்கள், தற்போது பெரிய அளவில் திரை கொண்ட டேப்லெட், பேப்லெட் போன்றவைகளையே எதிர்பார்க்கின்றனர்.

பெரிய அளவு மொபைல்களை மக்கள் விரும்ப காரணம், தற்போது வழங்கப்படும் இணைய வேகமும், செயலிகளுமே ஆகும். மக்களின் விருப்பத்திற்கேற்ப எண்ணற்ற வகையிலான செல்போன் (ஆப்ஸ்) செயிலிகள் வளைதளங்களில் கிடைக்கின்றன. இந்தியாவில் 147 மில்லியன் மொபைல்களில் 58 ஆயிரம் வகையிலான செல்போன் செயலிகள் பதிவிறக்கம் செய்யப்பட்டு பயன்படுத்தப்பட்டு வருகின்றன.

செல்போன் புழக்கத்தில் வந்த காலத்தில் அதனை பேசுவதற்கு மட்டுமே பயன்படுத்தப்பட்டு வந்தது. ஆனால் தற்போது, விளையாட்டு, செய்தி அறிய என பல்வேறு தேவைகளை இன்றைய கால செல்போன்களான ஸ்மார்ட் போன்கள் பூர்த்தி செய்கிறது. மியூசிக், வர்த்தகம், செய்தி, சமூகவளைதளம், போட்டோகிராபி போன்ற அப்ளிகேஷன்கள் அதிகளவில் மக்கள் தரவிறக்கும் செய்து பயன்படுத்துகின்றனர்.

மக்களால் அதிகம் விரும்பப்படும் சாதனம் ;

இந்திய மக்கள் அதிகளவில் பேப்லெட் போன்ற பெரிய திரை கொண்ட சாதனங்களை அதிகளவில் விரும்புகின்றனர். 61 சதவீத இந்தியர்கள் பேப்லெட்டையும், நடுத்தர செல்போன் மற்றும் ஸ்மார்ட் போன்களை 36 சதவத மக்களும் விரும்புகின்றனர். சிறிய அளவிலான டேப்லெட் மற்றும் சிறிய போன்களை சொற்ப அளவிலான மக்கள் பயன்படுத்தி வருகின்றனர்.

அதிகம் விற்பனையாகும் பிராண்டுகள் ;

இந்தியாவில் செல்போன், ஸ்மார்ட்போன், டேப்லெட் மற்றும் பேப்லெட் என அனைத்து விற்பனையிலும் சாம்சங் முதலிடம் வகிக்கிறது. அடுத்த இடத்தில் இந்திய தாயாரிப்பான மைக்ரோமேக்ஸ் உள்ளது. லெனோவா, ரெட்மி மொபைல்கள் 7 % மக்களும், அதிக விலை கொண்ட ஆப்பிள் மொபைல்களை 6 % மக்களும் பயன்படுத்தி வருகின்றனர்.