India's Economic Growth In 2019 Will Be At 5.6 Percent Says Moody's Report
பொருளாதார மந்தநிலை: நம்பிக்கையளித்த மூடீஸ் அறிக்கை!
2019ஆம் ஆண்டில் இந்தியப் பொருளாதார வளர்ச்சி 5.6 சதவீதமாக இருக்கும் என்று மூடீஸ் நிறுவனம் தனது ஆய்வறிக்கையில் தெரிவித்துள்ளது.
Samayam Tamil13 Dec 2019, 4:21 pm
2014ஆம் ஆண்டில் நரேந்திர மோடி ஆட்சிப் பொறுப்பேற்றது முதலே நாட்டில் போதிய அளவில் வேலைவாய்ப்புகள் உருவாக்கப்படவில்லை; பொருளாதார வளர்ச்சியில் மந்தநிலை போன்ற குற்றச்சாட்டுகள் அதிகமாக உள்ளன. அதுவும் குறிப்பாக 2019ஆம் ஆண்டு தொடங்கியதிலிருந்து பொருளாதார வளர்ச்சி பின்னோக்கிச் சென்றுகொண்டிருக்கிறது. ஏப்ரல் - ஜூன் காலாண்டில் 5 சதவீதமாகவும், ஜூலை - செப்டம்பர் காலாண்டில் அதை விட மோசமாக 4.5 சதவீதமாகவும் பொருளாதார வளர்ச்சி வீழ்ந்தது.
Samayam Tamil
அக்டோபர் - டிசம்பர் காலாண்டிலும், இந்த முழு நிதியாண்டிலும் 5 சதவீத வளர்ச்சிகூட இருக்காதென்று உலக வங்கி, சர்வதேச நாணய நிதியம், ஆசிய மேம்பாட்டு வங்கி உள்ளிட்ட சர்வதேச நிறுவனங்கள் தங்களது ஆய்வுகளில் எச்சரித்துள்ளன. இதுபோன்ற சூழலில் இந்தியப் பொருளாதார வளர்ச்சி 5 சதவீதத்தை விட அதிகமாகவே இருக்கும் என்று சர்வதேச கடன் மதிப்பீட்டு நிறுவனமான மூடீஸ் கணித்துள்ளது. இதுகுறித்து மூடீஸ் நிறுவனம் வெளியிட்டுள்ள ஆய்வறிக்கையில், 2019ஆம் ஆண்டில் இந்தியப் பொருளாதார வளர்ச்சி 5.6 சதவீதமாக இருக்கும் என்று தெரிவித்துள்ளது.
மற்ற ஆய்வு நிறுவனங்களை விட மூடீஸ் நிறுவனத்தின் வளர்ச்சிக் கணிப்பு அதிகமாக இருந்தாலும் அது முந்தைய மதிப்பீட்டை விடக் குறைவுதான். வேலை உருவாக்கம், தனியார் நுகர்வு ஆகியவை குறித்து மூடீஸ் நிறுவனம் தனது ஆய்வில் கவலை தெரிவித்துள்ளது. 2020ஆம் ஆண்டில் 6.6 சதவீதமாகவும், 2021ஆம் ஆண்டில் 6.7 சதவீதமாகவும் இந்தியாவின் வளர்ச்சி இருக்கும் என மூடீஸ் கணித்துள்ளது. எனினும் இந்த வளர்ச்சி வேகமானது கடந்த ஆண்டுகளை விட மிகவும் குறைவுதான். வெங்காயம் விலை உயர்வுக்கு இதுதான் காரணம்... அமைச்சர் சொல்கிறார்!!
வேலையின்மை பிரச்சினை, ஆட்டோமொபைல் துறையில் மந்தமான வாகன விற்பனை, உணவுப் பொருட்களின் விலையேற்றத்தால் நுகர்வு குறைவு, வங்கித் துறையில் நிதி நெருக்கடி, தொலைத் தொடர்புத் துறையில் வருவாய் இழப்பு போன்ற பல்வேறு காரணிகள் இந்திய வளர்ச்சியைப் பாதித்துள்ளதாக மூடீஸ் நிறுவனம் கூறியுள்ளது. மூடீஸ் நிறுவனத்தின் 2018ஆம் ஆண்டுக்கான இந்தியாவின் வளர்ச்சி மதிப்பீடு 7.4 சதவீதமாக இருந்தது என்பது குறிப்பிடத்தக்கது.
We use cookies and other tracking technologies to provide services in line with the preferences you reveal while browsing the Website to show personalize content and targeted ads, analyze site traffic, and understand where our audience is coming from in order to improve your browsing experience on our Website. By continuing to browse this Website, you consent to the use of these cookies. If you wish to object such processing, please read the instructions described in our privacy policy/cookie policy.