கொரோனா படுத்தும் பாடு... ஏற்றுமதியில் தொடரும் வீழ்ச்சி!

இந்தியாவின் வணிக ஏற்றுமதி தொடர்பான விவரங்களை மத்திய அரசு வெளியிட்டுள்ளது. அதன்படி, சென்ற நவம்பர் மாதத்தில் மொத்தம் 23.4 பில்லியன் டாலர் மதிப்பிலான பொருட்கள் இந்தியாவிலிருந்து ஏற்றுமதி செய்யப்பட்டுள்ளன. இது 2019ஆம் ஆண்டின் நவம்பர் மாத ஏற்றுமதியை விட 9 சதவீதம் குறைவாகும். ஏப்ரல் முதல் நவம்பர் வரையிலான எட்டு மாதங்களில் ஏற்றுமதி மதிப்பு 173.5 பில்லியன் டாலராக இருந்துள்ளது. 2019ஆம் ஆண்டின் இதே காலத்தில் மொத்தம் 211.8 பில்லியன் டாலர் மதிப்பிலான பொருட்கள் ஏற்றுமதி செய்யப்பட்டிருந்தன. இக்காலத்தில் 17.8 சதவீத வீழ்ச்சி ஏற்பட்டுள்ளது.

இறக்குமதியைப் பொறுத்தவரையில், நவம்பர் மாதத்தில் 13 சதவீத சரிவுடன் 33.4 பில்லியன் டாலர் மதிப்பிலான பொருட்களை இந்தியா இறக்குமதி செய்துள்ளது. இதனால் இந்தியாவின் வர்த்தகப் பற்றாக்குறை 10 பில்லியன் டாலருக்கு நெருங்கியுள்ளது. நவம்பர் மாத இறக்குமதியில் ஆயில் இறக்குமதி 43 சதவீதம் வீழ்ச்சியடைந்து 6.3 பில்லியன் டாலராக இருந்திருக்கிறது. ஏப்ரல் நவம்பர் காலகட்டத்தில் இறக்குமதி 49 சதவீத வீழ்ச்சியுடன் 44 பில்லியன் டாலராக இருந்துள்ளது. எண்ணெய் இல்லா இதர பொருட்களின் இறக்குமதி ஒரு சதவீதம் குறைந்து 27.1 பில்லியன் டாலரை எட்டியுள்ளது.

மாதம் ரூ.4000 பென்சன்: எல்ஐசியின் சூப்பர் திட்டம்!

பெட்ரோலியம் பொருட்கள் ஏற்றுமதி மிக மோசமாக 61 சதவீதம் வீழ்ச்சியடைந்துள்ளது. அதைத் தொடர்ந்து பொறியியல் சாதனங்கள் 8.3 சதவீதமும், ரசாயனம் 8.1 சதவீதமும், ஆயத்த ஆடைகள் 1.2 சதவீதமும் வீழ்ச்சியடைந்துள்ளது. வளர்ச்சி கண்ட துறைகளாக மருந்து 11.1 சதவீதமும், நகை & ரத்தினங்கள் 4.1 சதவீதமும், எலெக்ட்ரானிக் சாதனங்கள் ஒரு சதவீதமும் வளர்ச்சி கண்டுள்ளன. இறக்குமதியில் பெட்ரோலிய ரசாயனம் 36.1 சதவீதமும், எலெக்ட்ரானிக் பொருட்கள் 12.3 சதவீதமும், உரம் 29.3 சதவீதமும், தங்கம் 2.7 சதவீதமும் வீழ்ச்சி கண்டுள்ளன.