மீன் தொழிலைக் கருவாடாக்கிய கொரோனா!

கொரோனா பரவலைத் தடுக்க மே 3ஆம் தேதி வரையில் ஊரடங்கு உத்தரவு நீட்டிக்கப்பட்டுள்ளது. இக்காலத்தில் விவசாயம் உள்ளிட்ட தொழில் நடவடிக்கைகள் அனைத்தும் முடங்கியுள்ளன. அனைவருக்கும் வருவாய் குறைந்து நிதி நெருக்கடி ஏற்பட்டுள்ளது. குறிப்பாக மீன் வளத் துறையில் பெரும் வருவாய் இழப்பு ஏற்பட்டுள்ளது. மத்திய மீன்வளத் தொழில்நுட்ப நிறுவனத்தின் மதிப்பீடுகளின்படி, மீன் வளத் துறைக்கு நாள் ஒன்றுக்கு ரூ.224 கோடி என்ற அளவில் கொரோனாவால் இழப்பு ஏற்பட்டுள்ளது.

அதாவது மாதத்துக்கு ரூ.6,828 கோடி வரையில் இழப்பு ஏற்பட்டுள்ளது. மீன் பிடித் தொழில் உள்ளிட்ட பிரிவுகளில் இயந்திரம் சார்ந்த துறைகளில் ரூ.6,008 கோடியும், இயந்திரம் சாராத துறைகளில் ரூ.830 கோடியும் இழப்பு ஏற்பட்டுள்ளதாக மதிப்பிடப்பட்டுள்ளது. மேற்கூறிய மதிப்பீடுகளில் மீன் ஏற்றுமதி, மீன் பதப்படுத்துதல் ஆகிய துறைகளில் ஏற்படும் இழப்புகள் சேர்க்கப்படவில்லை. 2017-18ஆம் ஆண்டின் கணக்குப்படி, இந்தியாவின் மொத்த மதிப்புக் கூட்டலில் மீன் வளத் துறையின் பங்கு மட்டுமே ரூ.1.75 லட்சம் கோடியாக இருந்துள்ளது.

தக்க சமயத்தில் வந்த உதவி: தமிழகத்துக்கு எத்தனை கோடி?

இந்தியாவின் வேளாண் ஏற்றுமதியில் கடல் உணவுகள் முக்கியப் பங்காற்றுகின்றன. 6.7 லட்சம் கோடி டாலர் மதிப்பைக் கொண்ட கடல் உணவுகள் ஏற்றுமதியானது ஆண்டுக்கு 10 சதவீத வளர்ச்சியைக் கொண்டிருக்கிறது. ஊரடங்கு உத்தரவு அறிவிப்பு வெளியாவதற்கு முன்பாகப் பிடிக்கப்பட்ட மீன்களை விற்பனை செய்யவோ ஏற்றுமதி செய்யவோ முடியாமல் போனதால் அத்துறை சார்ந்தவர்களுக்குப் பெருத்த நஷ்டம் ஏற்பட்டுள்ளது. மீன் பிடித் தொழிலை நம்பியிருக்கும் குடும்பங்களுக்கு இதனால் நிதி நெருக்கடியும் ஏற்பட்டுள்ளது.

வேலையைப் பறிக்கும் கொரோனா: ஆஸி. மட்டும் விதிவிலக்கா?

கொரோனாவின் தீவிரம் குறைந்து இயல்பு நிலை திரும்பினாலும் இந்தியாவின் மீன், கடல் உணவுகள் ஏற்றுமதி மந்தமாகவே இருக்கும் என்று எச்சரிக்கப்பட்டுள்ளது. ஏனெனில், உலக நாடுகளிலும் கொரோனா பாதிப்பு அதிகமாக இருப்பதால் அங்கு இந்தியாவின் மீன் உள்ளிட்ட உணவுகளுக்கான தேவை குறைவாகவே இருக்கும் என்று மத்திய மீன்வளத் தொழில்நுட்ப நிறுவனம் தெரிவித்துள்ளது.