பாடாய் படுத்தும் தங்கம்.. கிடுகிடுவென எகிறிய இறக்குமதி!

இந்தியாவின் தங்கம் ஏற்றுமதி ஏப்ரல் - ஜூலை மாதங்களில் 6.4% உயர்ந்துள்ளது. இந்தியாவின் நடப்புக் கணக்கு பற்றாக்குறையில் தங்கம் இறக்குமதி பெரும் சுமையாக உள்ளது. இந்நிலையில், ஏப்ரல் - ஜூலை மாதங்களில் தங்கம் இறக்குமதி 6.4% உயர்ந்து 12.9 பில்லியன் டாலராக உயர்ந்துள்ளது.

கடந்த ஆண்டு ஏப்ரல் - ஜூலை மாதங்களில் இந்தியாவின் தங்கம் இறக்குமதி 12 பில்லியன் டாலராக இருந்தது. இந்நிலையில் இந்தாண்டு ஏப்ரல் - ஜூலை மாதங்களில் தங்கம் இறக்குமதி 12.9 பில்லியன் டாலராக உயர்ந்துள்ளது என மத்திய அரசு தகவல் வெளியிட்டுள்ளது.

எனினும், கடந்த ஜூலை மாதத்தில் தங்கம் இறக்குமதி 43.6% குறைந்து 2.4 பில்லியன் டாலராக குறைந்துள்ளது. ஏனெனில், கடந்த ஜூலை மாதம் முதல் தங்கம் மீதான சுங்க வரியை 7.5 விழுக்காட்டில் இருந்து 12.5 விழுக்காடாக உயர்த்தியது மத்திய அரசு.

Dolo 650: மாத்திரையை கொடுக்க மருத்துவர்களுக்கு லஞ்சம்.. உச்ச நீதிமன்றம் அதிரடி உத்தரவு!
தங்கம் இறக்குமதி மீதான சுங்க வரி 12.5%; மேலும் 2.5% வேளாண் உள்கட்டமைப்பு வளர்ச்சி செஸ் வரி என மொத்தமாக தங்கம் இறக்குமதிக்கான வரி 15% ஆக உயர்ந்தது. இதன் விளைவாக தங்கம் இறக்குமதி குறைந்திருப்பதாக தெரிகிறது.

ஏப்ரல் - ஜூலை மாதங்களில் தங்கம் மற்றும் கச்சா எண்ணெய் இறக்குமதியால் மட்டுமே நடப்பு நிதியாண்டுக்கான வர்த்தகப் பற்றாக்குறை 30 பில்லியன் டாலராக உயர்ந்துள்ளது. தங்கம் நுகர்வில் சீனாவுக்கு அடுத்தபடியாக உலகிலேயே இரண்டாவது இடத்தில் இந்தியா உள்ளது.

இந்தியாவில் இறக்குமதி செய்யப்படும் தங்கம் பெரும்பாலும் நகைகளுக்காகவே பயன்படுத்தப்படுகின்றன.